Universiteti “Aleksandër Moisiu” Durrës mori pjesë në një prej eventeve më të rëndësishme të Bashkimit Evropian, “Java Evropiane e Rajoneve dhe Qyteteve”, ku Aleanca Evropiane Universitare STARS EU, pjesë e së cilës është edhe UAMD, organizoi sesionin me temë “European Experience of Innovation”.
Aktiviteti u moderua nga Lektorja e UAMD, znj. Dorina Gjipali, duke treguar rolin e rëndësishëm dhe gjithnjë e më aktiv që universiteti ynë po merr në kuadër të Aleancës STARS EU dhe më gjerë.
Në këtë sesion morën pjesë drejtues të lartë të Komisionit Evropian, përfaqësues të universiteteve partnere dhe sipërmarrjes evropiane, ndërsa Rektori i UAMD zhvilloi takime të frytshme me:
Dick Pouwels, Hanze University of Applied Sciences, Holandë – Kryetar i Komisionit të STARS EU, Rima Dijsktra, Koordinatore e STARS EU, Prof. Dr. Svenja Tams, Hochschule Bremen (HSB), Gjermani,
duke diskutuar për bashkëpunime të reja akademike, përfshirë programe të përbashkëta në lidership, sipërmarrje dhe të drejtë biznesi.
Përmes partneriteteve ndërkombëtare, stafit akademik cilësor dhe përfshirjes aktive në Aleancën STARS EU, UAMD vazhdon të forcojë profilin e tij evropian, duke sjellë programe inovative studimi, diploma të dyfishta dhe mundësi konkrete për studentët në tregun evropian të punës.
#UAMD #STARS_EU #
Albanian 
English