Po ndodh: Grupi i punës së projektit Entral, CBHE Erasmus+ është duke pilotuar në ditën e dytë Modulin mbi Sipërmarrjen për Studentët e Universitetit pranë Qendrës së Edukimit në Vazhdim, Fakulteti i Edukimit. Synimi është të promovohet sipërmarrja dhe inovacioni tek studentët e degëve të ndryshme. Ky Kamp Inovacioni bazohet në aftësitë dhe përvojën e transferueshme të fituar gjatë Kampit të Inovacionit të organizuar në kuadër të projektit EntrAL në Universitetin e Turkut, Finlandë, në Nëntor 2021 duke u përshtatur me kontekstin universitar të Shqipërisë.
Gjatë këtyre dy ditëve, studentët pjesëmarrës po përjetojnë konceptin e Kampit të Inovacionit. Ata po zhvillojnë ide biznesi në ekipe dhe po marrin përvojë praktike në lidhje me sipërmarrjen, procesin e zhvillimit të një ideje biznesi dhe shitjen e saj. Pjesëmarrësit pritet të angazhohen dhe të sfidojnë veten, ashtu siç do të reagojnë sipërmarrësit e vërtetë në kontekste të ngjashme dhe veçanërisht në kontekstin shqiptar.
Kampi i Inovacionit do të zhvillohet edhe nesër dhe aktiviteti do të përmbyllet me shpërndarjen e çertifikatave për të gjithë pjesëmarrësit, të cilët pajisen edhe me dy kredite për ndjekjen e këtij moduli mbi sipërmarrjen.
Albanian 
English