Universiteti “Aleksandër Moisiu” Durrës, në kuadër të programit Erasmus+ KA171, i ofron stafit akademik mundësinë për të zhvilluar një javë trajnim në Institutin Politeknik të Santarem, Portugali. (https://www.ipsantarem.pt/en/)
Mobiliteti konsiston në trajnim në gjuhën angleze të stafit akademik dhe pjesëmarrje në Javën Ndërkombëtare Erasmus “Outdoors & People” (http://staffmobility.eu/staffweek/erasmus-international-week-outdoors) për një javë (5 ditë) në universitetin pritës.
Numri i kuotave:
· 2 (dy) për staf akademik.
Lloji i mobilitetit:
· Trajnim.
Fakultetet dhe fushat si më poshtë vijon:
· Fakulteti i Edukimit,
· Fakulteti i Shkencave Politike Juridike (Shkenca Politike).
Afati i aplikimit: 20 Shkurt 2025.
Në varësi të numrit dhe cilësisë së aplikimeve, fituesit do të shpallen në bashkëpunim me Universitetin pritës.
Dokumentacioni i nevojshëm për stafin akademik për të aplikuar për mobilitet në Institutin Politeknik të Santarem, Portugali:
– CV sipas formatit Europass në gjuhën angleze (max 4 faqe);
– Dëshmi e njohjes së gjuhës angleze, niveli C1;
– Kopje e pasaportës.
Kohëzgjatja e qëndrimit duhet të jetë 7 ditë, ku 5 ditë janë ditë pune dhe dy ditë udhëtim.
Për këtë qëndrim pagesa bëhet nga universiteti pritës, në vlerën 160 Euro/dita (ku përfshihet hoteli dhe shpenzimet e qëndrimit), si dhe udhëtimi vajtje-ardhje, deri në 360 euro.
Dokumentat mund të dorëzohen elektronikisht në adresën besianaelezi@uamd.edu.al, cc: arbamerhori@uamd.edu.alose dorazi pranë Drejtorisë së Projekteve dhe Marrëdhënieve me Jashtë, Kati i Tretë, zyra 320, Universiteti “Aleksandër Moisiu” L.1 Rruga Taulantia, Durrës.
Albanian 
English