28
Kor

Alumni – Shezeina Rama

By
0

Shezeina Rama

Alumni "UAMD" - "Rrënjët e Suksesit"!

FAKULTETI E SHKENCAVE POLITIKE/JURIDIKE

Biografi

Studimet e ciklit të dytë i kam ndjekur në të njëjtin universitet, në programin Master i Shkencave “E Drejta Private”, të cilin e përfundova me rezultate të shkëlqyera në vitin 2016.

Pas përfundimit të studimeve master, kam ndjekur me sukses Shkollën Kombëtare të Avokatisë, duke fituar të drejtën për të ushtruar profesionin e avokatit dhe gëzoj titullin “Avokat”.

Në vitin 2021, u diplomova në Universitetin Linköping në Suedi, në programin ndërkombëtar me fokus në “Qeverisje elektronike e qëndrueshme për një administratë publike demokratike, të qëndrueshme dhe inovative”, duke zgjeruar kështu fushën time të ekspertizës me dimensione të qeverisjes moderne dhe digjitalizimit të administratës publike.

Jam fituese e konkursit pranë Shkollës së Magjistraturës për profilin “Ndihmës Ligjor”, për vitin akademik 2023–2024. Paralelisht, prej vitit 2023, ndjek studimet në ciklin e tretë (doktoraturë) pranë Fakultetit të Shkencave Politike-Juridike, në Universitetin “Aleksandër Moisiu” Durrës, me fokus në të drejtën dhe qeverisjen publike.

Jam autore dhe bashkautore e punimeve shkencore të prezantuara në konferenca kombëtare dhe ndërkombëtare, ku kam trajtuar tema të aktualitetit juridik, të drejtës publike dhe sfidave të qeverisjes moderne.

 

Si ju kanë ndihmuar studimet në UAMD në zhvillimin e karrierës tuaj?

  • Universiteti “Aleksandër Moisiu” Durrës ka qenë dhe mbetet një shtyllë themelore në formimin tim akademik dhe profesional. Jam thellësisht krenare që çdo arritje në rrugëtimin tim shoqërohet me bindjen dhe krenarinë se kam studiuar në këtë universitet. Rrënjët e mia akademike janë të lidhura ngushtë me këtë institucion, ku kam përvetësuar dije të qëndrueshme falë angazhimit dhe përkushtimit të lektorëve të tij të shkëlqyer. Nëse do të më jepej mundësia të rikthehesha në kohë, do ta zgjidhja sërish pa asnjë mëdyshje Universitetin “Aleksandër Moisiu” Durrës, si vendin ku do të ndërtoja themelet e profesionit dhe pasionit tim për të drejtën dhe shërbimin publik.

Një mesazh për studentët aktualë dhe maturantët që po mendojnë të vazhdojnë studimet në UAMD.

  • Që prej vitit 2017, jam angazhuar në mënyrë të vazhdueshme në administratën publike shqiptare, duke ushtruar detyra në disa institucione kyçe të sistemit shtetëror. Kam filluar si përmbaruese gjyqësore, më pas si juriste pranë Agjencisë Shtetërore të Kadastrës, ndërsa që nga dhjetori i vitit 2019, ushtroj funksionin e inspektores pranë administratës tatimore. Eksperienca ime është përqendruar në zbatimin e legjislacionit, procedurat administrative dhe forcimin e qeverisjes ligjore në praktikat publike. Paralelisht me angazhimin profesional, që nga viti 2019 jam e atashuar si lektore e jashtme në Fakultetin e Shkencave Politike-Juridike në Universitetin “Aleksandër Moisiu” Durrës, ku kontribuoj në mësimdhënien dhe formimin akademik të studentëve në lëndë të fushës juridike.
sqAlbanian
en_USEnglish sqAlbanian