Universiteti “Aleksandër Moisiu” (UAMD) çeli dyert për herë të parë në vitin akademik 2006-2007. Prej 15 vitesh, në thelb të veprimtarisë së tij është përballimi me sukses i sfidave të së ardhmes bazuar në themelet e shërbimit dhe dashurisë për vendin.
Falë punës plot përkushtim e vendosmëri të drejtuesve dhe stafit, bashkëpunëtorëve e komunitetit, UAMD ka njohur shumë zhvillime pozitive në mësimdhënie, mësimnxënie, shërbime, infrastrukturë, etj. Teksa “shoqëria e informacionit” përparon, UAMD kontribuon çdo ditë për të edukuar profesionistë me mendësi ndryshe, që karakterizohen nga ndjeshmëria për fatet e vendit dhe bëhen udhëheqës të ndryshimit.
Ne jemi UAMD dhe shohim me besim kah e ardhmja!
Ligjërata nga pedagogët më të mirë shqiptarë dhe profesorë të ftuar nga universitetet më në zë të Shteteve të Bashkuara dhe Europës.
Angazhim në projekte dhe bursa studimi në universitete europiane, me të cilat UAMD ka marrëveshje bashkëpunimi.
Jetë e pasur studentore, shërbime karriere të përmirësuara, mundësi për praktika pune dhe aftësim profesional.
Kampus me infrastrukturë dhe laboratorë modernë. Në të ofrohen shërbime për studentët, stafin dhe vizitorët.
“… Ju ftoj të shfaqni së bashku me ne potencialin dhe energjitë tuaja për të përmirësuar akoma më tepër universitetin tonë, Durrësin dhe Shqipërinë!
Përgjatë këtij viti akademik ne kemi mundësinë të eksplorojmë se si të zhvillojmë dhe zbatojmë koncepte të tilla, si drejtësi sociale, integritet dhe përkushtim në mënyrë që të sigurojmë një të ardhme të ndritur në çdo aspekt të jetës sonë…
Idetë dhe vlerat që forcojnë zhvillimin individual të studentëve janë përparësia jonë”.
Prof. Dr. Kseanela Sotirofski
Rektor