Departamenti i Shkencave Politike

Prof. Asoc. Dr. Esilda Luku është lektore e Historisë në Universitetin “Aleksandër Moisiu”, Durrës, dhe Përgjegjëse e Departamentit të Shkencave Politike. Me studime të avancuara në Histori në Universitetin e Tiranës, ajo ka fituar titullin “Profesor i Asociuar” në vitin 2016. Ka përvojë si postdoc researcher dhe bursiste Humboldt dhe DAAD në Gjermani. Znj. Luku është autore e monografisë “Diplomacia evropiane ndaj Shqipërisë (1919-1946)” dhe bashkëautore e disa teksteve akademike. Me mbi 40 artikuj shkencorë të botuar dhe pjesëmarrje në konferenca ndërkombëtare, interesat e saj përfshijnë tekstet shkollore, historinë e socializmit dhe kulturën e kujtesës.

Dr. Alida Tomja është pedagoge pranë Departamentit të Shkencave Politike, Fakulteti i Shkencave Politike dhe Juridike, në Universitetin “Aleksandër Moisiu” Durrës. Ajo ka përfunduar studimet në Shkenca Politike në Universitetin e Tiranës dhe ka ndjekur Masterin dhe Doktoraturën në Marrëdhënie Ndërkombëtare në të njëjtin institucion. Dr. Tomja ka kontribuar me pjesëmarrje në konferenca shkencore kombëtare e ndërkombëtare, duke trajtuar çështje të Marrëdhënieve Ndërkombëtare, me fokus në Politikën e Jashtme të SHBA-së dhe Institucionet Politike Amerikane. Hulumtimet e saj pasqyrojnë një angazhim të thellë ndaj studimeve mbi politikat globale dhe ndikimin amerikan.

Dr. Belina Bedini është diplomuar në Shkenca Politike në Universitetin e Bolognës, Itali, dhe ka përfunduar Masterin dhe Doktoraturën në Marrëdhënie Ndërkombëtare në Universitetin e Tiranës. Ajo mban pozicionin e Zv. Dekanes për Kërkimin Shkencor pranë Fakultetit të Shkencave Politike dhe Juridike në UAMD. Me përvojë të gjerë në shkrimin, drejtimin dhe implementimin e projekteve ndërkombëtare të financuara nga BE, si Jean Monnet, CBHE dhe Europe for Citizens, ajo është autore dhe bashkëautore e disa publikimeve shkencore. Hulumtimi i saj i fundit është kapitulli mbi rolin e minoriteteve në rezistencën antifashiste në Shqipëri, botuar nga Routledge. Ajo drejton projektin Jean Monnet Module 2023-2026 mbi demokracinë dhe integrimin në Shqipëri.

Dr. Denisa Tare ka përfunduar studimet në Histori pranë Fakultetit Histori-Filologji në Tiranë dhe Masterin Shkencor në Histori në vitin 2010. Ajo ka mbrojtur doktoraturën me temë “Arbëreshët e Italisë dhe çështja kombëtare shqiptare (1878-1912)”. Aktualisht, është lektore full-time në Fakultetin e Shkencave Politike dhe Juridike, Universiteti “Aleksandër Moisiu” Durrës, ku ligjëron lëndë si Histori Moderne, Histori e Shqipërisë 1912-sot, Histori e Diasporës dhe Marrëdhënie Ndërkombëtare. Dr. Tare ka marrë pjesë në shumë konferenca kombëtare dhe ndërkombëtare dhe ka botuar artikuj mbi rolin historik dhe aktual të diasporës shqiptare, integrimin evropian të Shqipërisë dhe Kosovës, si dhe raportet shqiptaro-italiane dhe rivalitetin italo-austro-hungarez në Shqipëri.

Dorina Bërdufi është studiuese e Shkencave Politike, e diplomuar në Fakultetin e Shkencave Sociale, Universiteti i Tiranës (2008). Ajo ka fituar titullin Doktor në Shkenca Politike (2017) dhe Profesor i Asociuar (2023). Prej vitit 2013 është pjesë e Departamentit të Shkencave Politike në UAMD, ku ka drejtuar departamentin gjatë viteve 2020–2024. Bërdufi është lektore e lëndëve Partitë Politike, Sjellja e Votuesit dhe Metodat e Kërkimit Shkencor. Si kërkuese shkencore, ajo ka drejtuar dhe marrë pjesë në projekte kombëtare dhe ndërkombëtare, me fokus në integritetin zgjedhor, llogaridhënien dhe sjelljen e votuesve.

Prof. Dr. Lavdosh Ahmetaj është anëtar i stafit akademik në Departamentin e Shkencave Politike pranë Fakultetit të Shkencave Politike dhe Juridike në Universitetin “Aleksandër Moisiu” Durrës. Ai mban dy doktoratura: në Histori me fokus Shqipërinë politike në Konferencën e Paqes (1918-1920) dhe në Shkencat Politike dhe të Drejtës me studimin mbi doktrinat politiko-juridike europiane. Prof. Ahmetaj titullon lëndë si Filozofia Politike, Historia e Shtetit dhe e së Drejtës në Shqipëri dhe E Drejta Publike Ndërkombëtare. Ai ka botuar një sërë punimesh shkencore, përfshirë “Shqipëria në Konferencën e Paqes në Paris” dhe “Filozofia e së Drejtës.”

Lorena Liçenji ka përfunduar studimet Bachelor, Master dhe Doktoraturë në Universitetin “Sapienza” të Romës, Fakulteti i Shkencave të Komunikimit. Që nga viti 2018, është pedagoge e brendshme pranë Departamentit të Shkencave Politike në UAMD, duke dhënë lëndë si Menaxhimi i Fushatave të Komunikimit dhe Marrëdhënie Publike. Fushat e saj kërkimore përfshijnë Komunikimin Politik dhe atë të marketingut, me fokus strategjitë e komunikimit të aktorëve politikë shqiptarë gjatë fushatave zgjedhore. Studimet e saj analizojnë raportin mes sistemit politik dhe mediatik në Shqipëri, përdorimin e rrjeteve sociale dhe instrumenteve të marrëdhënieve publike në procesin demokratik.

Prof. Asoc. Dr. Manjola Xhaferri është lektore në Departamentin e Shkencave Politike të UAMD për më shumë se 15 vjet. Ajo ka përfunduar studimet në Histori dhe Etnologji në Universitetin e Tiranës, si dhe një doktoraturë në Etnologji-Folklor në Qendrën e Studimeve Albanologjike. Në nëntor 2022 ka marrë titullin akademik “Profesor i Asociuar.” Prof. Xhaferri është titullare e lëndëve Histori e Shqipërisë, Etnologji dhe Studime Albanologjike. Ajo ka publikuar më shumë se 70 punime shkencore, përfshirë monografinë “Tirana në rrjedhën e shekujve” dhe analiza të rëndësishme në marrëdhëniet diplomatike dhe kulturën shqiptare.

Dr. Marsida Ismaili është lektore në Fakultetin e Shkencave Politike-Juridike, Departamenti i Shkencave Politike në UAMD që prej vitit 2007. Ajo ka kryer studimet universitare në Shkenca Politike dhe ka përfunduar Masterin në Administrim Publik në Universitetin e Tiranës. Në prill 2015, Dr. Ismaili ka mbrojtur doktoratën në Administrim Publik në UAMD. Ajo është autore dhe bashkëautore e librave mësimorë dhe artikujve shkencorë, pjesëmarrëse në konferenca shkencore kombëtare dhe ndërkombëtare, si dhe ka kontribuar në projekte kombëtare dhe ndërkombëtare.

Prof.Asoc.Dr.Mois Kamberi ka përfunduar studimet në Histori në Universitetin e Tiranës, ku ka mbrojtur edhe doktoratën me temë “Dibra në periudhën e Rilindjes Kombëtare Shqiptare”. Aktualisht, është pedagog në Fakultetin e Shkencave Politike-Juridike, UAMD, ku jep lëndë të ndryshme historike. Ka kontribuar në hartimin e programeve të studimit dhe ka marrë pjesë në projekte kërkimore dhe konferenca shkencore ndërkombëtare. Autori i mbi 50 artikujve shkencorë dhe disa monografive, përfshirë “Dibra në periudhën e Rilindjes Kombëtare Shqiptare” dhe “Pozicionimi i shqiptarëve drejt konfliktit botëror”.

Dr. Pranvera Skana është pedagoge në Departamentin e Shkencave Politike, në Universitetin “Aleksandër Moisu”, Durrës. Ajo ka përfunduar studimet Master në Universitetin Wesminter në Londër dhe doktoraturën në Universitetin e Tiranës në fushën e medias dhe komunikimit masiv (2014). Skana ka qënë “visiting fellow” në London School of Economics dhe University of Stirling. Me eksperiencë në fushën e medias, arsimit të lartë, shoqërisë civile dhe diplomacisë, ka mbajtur pozita si këshilltare për median dhe diasporën në Ambasadën Shqiptare në Londër. Ajo është autore artikujsh dhe analizash, duke marrë pjesë në shumë konferenca kombëtare dhe ndërkombëtare.

Dr. Viorela Agolli (Polena) ka përfunduar studimet e larta në Universitetin e Tiranës, ku ka marrë Diplomën e Integruar në Shkenca Politike, dhe ka mbrojtur doktoratën në Ekonomiks, “Ekonomi Politike” në Universitetin e Durrësit, Fakulteti i Biznesit. Ajo ka mbajtur pozita si përgjegjëse e Departamentit të Shkencave Politike (2011-2013) dhe Zv. Dekane për Kërkimin Shkencor (2021-2023) në Fakultetin e Shkencave Politike-Juridike. Ka përfunduar gjithashtu kursin “Demokracia dhe Zhvillimi vendor” dhe ka qënë “Visiting Scholar” në SHBA. Dr. Agolli është bashkë-autore e disa teksteve dhe ka publikuar artikuj shkencorë. Ajo është aktive në konferenca kombëtare dhe ndërkombëtare në fushën e demokracisë dhe proceset tranzitore të demokratizimit.

Dr. Mirela Metushaj është Lektore dhe Hulumtuese në Universitetin Aleksandër Moisiu, Durrës, Shqipëri. Ajo ka një diplomë nga Shkolla e Shkencave Politike “Cesare Alfieri” në Firence, Itali me specializim në Marrëdhëniet Politike Ndërkombëtare dhe Doktoraturen në “Gjeopolitikë” nga Universiteti i Shkencave Sociale në Tiranë. Që prej vitit 2019 ajo është pedagoge me kohë të plotë në Departamentin e Shkencave Politike në Universitetin Aleksander Moisiu për Gjeopolitikë, Diplomaci, Siguri Ndërkombëtare dhe Terrorizëm. Ajo është autore dhe bashkëautore e një numri të konsiderueshëm publikimesh në revista të vlerësuara nga kolegët në rajon, konferenca kombëtare dhe ndërkombëtare në fushën e shkencave politike dhe politikave të vendeve të Ballkanit Perëndimor, sigurisë, dinamikës gjeopolitike dhe proceseve të tranzicionit përmes diplomacisë. Fusha e saj e ekspertizës është Gjeopolitika dhe Diplomacia dhe analiza e Politikës së Jashtme.

LINKEDIN

FACEBOOK