Përshkrimi i Programit:
Specialist Rrjetash Kompjuterike është një program studimi 2-vjecar i cili siguron një diplomë me 120 kredite. Studentët gjatë dy viteve të studimit marrin njohuri teorike dhe praktike në menaxhimin e rrjeteve kompjuterike, në pajisjet hardware dhe software, në mbledhjen e të dhënave të performancës së rrjetit, monitorimin e sigurisë së rrjetit, çështjet e zgjidhjes së problemeve te rrjetit, parashikimin e problemeve dhe mirëmbajtjen rutinë te rrjetit.
Bashkohu me studentët tanë dhe bëhu pjesë e jetës akademike aktive, përvojave ndërkombëtare të shkëmbimeve studentore dhe kontakteve me tregun e punës gjatë viteve të studimit.
Zgjidh UAMD-në për të pasur qasje në të gjitha mundësitë dhe lehtësitë që ofrohen për studentët.
Pse duhet të studioni në këtë program?
Me avancimin e teknologjisë dhe industrisë ҫdo kompani e ka të nevojshme të punësojë një mirëmbajtës IT. Ky drejtim studimi do t’ju ndihmojë të zhvilloni dhe të përmirësoni aftësitë tuaja, të qëndroni të përditësuar me tendencat e fundit të industrisë dhe teknologjisë, të jeni të aftë për tregun e punës, të takoni mentorë, partnerë dhe klientë të ardhshëm dhe të fitoni qasje në burimet e nevojshme që do të nxisin zhvillimin tuaj të karrierës.
Ku mund të punësoheni pas përfundimit të studimeve?
Specialistët e rrjeteve kompjuterike instalojnë dhe mirëmbajnë infrastrukturën e rrjetit IT për kompani të niveleve të ndryshme, duke filluar nga ato të vogla deri tek më të mëdhatë. Ata mbledhin të dhëna për performancën e rrjetit, monitorojnë sigurinë e rrjetit dhe optimizojnë kapacitetin e serverit për të menaxhuar fluksin e informacionit, kryejnë azhornime të rrjetit dhe rregullojnë gabimet e rrjetit tek klientët.