Filozofi –Sociologji

Përshkrimi i Programit:

Programi i studimit “Bachelor” në “Filozofi-Sociologji” është pjesë e Ciklit të Parë të studimeve në Fakultetin e Edukimit, pranë Departamentit të Sociologjisë. Ky program, i ofruar nga institucioni, respekton interesat kombëtare, çka reflektohet në misionin dhe qëllimin e tij.

Programi përmban lëndë me karakter shumëdisiplinor, duke kontribuar në formimin e gjithanshëm të studentëve dhe duke përfaqësuar një risi në gamën e programeve bashkëkohore. Ai mbështetet në një qasje ndërdisiplinore të kombinuar, duke integruar njohuri nga fusha të ndryshme.

Qëllimi i programit është pajisja e studentëve me njohuri mbi metoda dhe parime shkencore të përgjithshme, si dhe formimi i aftësive specifike për administrimin efikas të çështjeve të ndryshme me karakter shoqëror. Aftësitë e fituara u mundësojnë studentëve të zhvillojnë më tej kompetencat e tyre këshilluese dhe profesionale, për t’u ofruar mbështetje individëve me nevoja të ndryshme.

Objektivat kryesore te programit:

– Të formojë studentë të cilët në përfundim të studimeve të tyre të kenë përvetësuar njohuri të thelluara teorike dhe praktike, me formim analitikë të thelluar e të gjerë të një karakteri si sistematik ashtu dhe metodologjik në fushën sociologjike, si dhe atë filozofike, duke patur parasysh si dimensionin kombëtar dhe ndërkombëtarë të tyre.

– Të pajisë me njohuritë, aftësitë dhe praktikat që nevojiten për të qenë anëtarë aktiv në komunitetin e tyre dhe lëvrues të demokracisë.  

– Të pasurojë kurrikulën e programit duke ju ofruar mundësi studentëve të rrisin njohuritë dhe të kuptuarit e nevojave njerëzore, problemeve sociale, çështjeve të mirëqenies sociale dhe këndvështrimeve drejt zgjidhjes së problemeve.

– Të ofrojë një bazë të qëndrueshme edukimi për studentët të cilët mund të jenë të interesuar për vazhdimin e studimeve në nivelet e tjera të studimit si: Mësues i Shkencave Sociale, në fushën e Shërbimeve Sociale dhe Komunitare, apo në programe të tjera të nivelit të dytë ose në programe studimi të integruara.

Misioni i programit është:

– Të nxisë e të zhvillojë mendimin kritik nëpërmjet krijimit, zhvillimit dhe përcjelljes së dijeve, duke kontribuar në rritjen e standardeve të demokracisë në vend;

– Të integrojë dijet teorike me aftësimin praktik për të formuar studiues, analistë dhe specialist të lartë në fushën e sociologjisë dhe të filozofisë, në përputhje me prioritetet e zhvillimit të vendit;

– Të ofrojë një bazë të qëndrueshme edukimi për studentët të cilët do të vazhdojnë kualifikimin në nivelet e tjera të studimit në fushën e mësimdhënies në shkencat sociale, apo në shkenca të tjera të ngjashme.

 – Të mbështes studentët të bëhen qytetarë kritikë, reflektues me aftësinë për të vepruar si agjentë efektivë të ndryshimit në nivel lokal dhe global.

Pyetje të shpeshta nga maturantët…