Mundësi Aplikimi: Kurs Intensiv Online për Gjuhën dhe Kulturën Poloneze “Learn Poland”

Universiteti “Aleksandër Moisiu” Durrës njofton të gjithë studentët dhe stafin (akademik/administrativ) se Universiteti “Maria Curie-Skłodowska” në Lublin, Poloni, ka hapur thirrjen për pjesëmarrje në kursin intensiv online të gjuhës dhe kulturës “Learn Poland”.

Ky program ofrohet në kuadër të Kurseve Verore 2026 nga Agjencia Kombëtare për Shkëmbim Akademik (NAWA) në Poloni dhe është plotësisht pa pagesë për të gjithë pjesëmarrësit e përzgjedhur.

Rreth Kursit:

• Kohëzgjatja: 1 – 28 Shtator 2026.
• Formati: Online.
• Përfitimet: Përmirësimi i njohurive të gjuhës poloneze (klasa 45-minutëshe të përshtatura sipas nivelit tuaj), njohja me historinë dhe traditat poloneze, si dhe pjesëmarrja në aktivitete ndërkombëtare të ndërtimit të skuadrave (team-building).

Çfarë përfshin programi?

• Leksione të gjuhës poloneze.
• Ture virtuale.
• Workshop-e në grupe dhe projekte bashkëpunuese.
• Leksione mbi historinë dhe kulturën poloneze.

Kush mund të aplikojë?

• Të gjithë studentët e regjistruar në UAMD.
• Stafi akademik dhe administrativ.

Si të aplikoni?

Aplikimi bëhet në mënyrë elektronike duke plotësuar formularin zyrtar në linkun e mëposhtëm: link.

 Afati i fundit për aplikim: 15 Gusht 2026.

Për informacione më të detajuara rreth rregullores dhe programit, mund të vizitoni faqen zyrtare: More information about the course is available here.