Departamenti i Shkencave Inxhinierike dhe Detare

Përshkrimi i Departamentit

Departamenti i Shkencave Inxhinierike dhe Detarisë është një prej tre Njësive Bazë të Fakultetit të Studimeve Profesionale dhe përbëhet nga 15 anëtarë stafi Akademik.

Aktualisht në këtë vit të ri akademik 2017-2018 përbërja e stafit të Departamentit është si më poshtë: 2 navigator (kapiten anije); 5 inxhinierë mekanikë; 2 inxhinierë elektrikë; 2 inxhinierë ndërtimi; 2 inxhinier mjedisi; 1 arkitekt dhe 1 staf ndihmës akademik – laborant për degën “Teknologji Automobilash”. Departamenti përbëhet nga një staf me mosha të ndryshme, duke harmonizuar më së miri përvojën e pasur në praktikë, por edhe në fushën e mësimdhënies dhe kërkimit shkencor të një pjese të tij, me vrullin, entuziazmin, energjinë e stafit me moshë të re e të etur për dije. Departamenti udhëheq me devotshmëri rrugëtimet studentore dhe të karrierës, si dhe menaxhon me cilësi e përgjegjshmëri mbarëvajtjen e studimeve në Programet në Ciklin e Studimit – Bachelor, Dega “Navigacion dhe Menaxhim Detar” dhe Ciklin e studimeve 2-vjeçare – Diplomë Profesionale në Degët: “Teknologji Automobilash”, “Teknik Elektrik”, “Menaxhim Transporti Detar/Tokësor”, “Menaxhim Ndërtimi”, “Hidroteknikë-Ujësjellës-Kanalizime”.

Stafi akademik i Departmentit i kushton rëndësi kërkimit shkencor, duke lartësuar emrin e UAMD-së, nëpërmjet pjesëmarrjes aktive në Konferenca Shkencore (kombëtare dhe ndërkombëtare), botimeve në revista shkencore (me dhe pa faktor impakti), si dhe duke kurorëzuar përpjekjet e tij në Tituj e Grada Shkencore. Kështu, vetëm në 3 vitet e fundit në Departament ju dha Titulli Prof. As. një anëtari dhe 3 të tjerë morrën Gradën Doktor i Shkencave në Inxhinieri. Në 2 vitet e fundit numërohen 62 botimeve në Revista Shkencore, janë prezantuar 56 referate në Konferenca Shkencore, si dhe janë bashkëpunëtorë në 6 projekte të EU. Po kështu ky Departament inicioi Konferencën e parë të Fakultetit të Studimeve Profesionale dhe mundësoi realizimin me sukses të saj.

Për vetë specifikat e Programeve të Studimit që mbulon Departamenti i Shkencave Inxhinierike dhe Detarisë, në vëmendjen e anëtarëve të tij është puna intensive dhe e përgjegjshme në të mirë të komunitetit studentor, atij akademik-shkencor, por edhe komunitetit vendas dhe botës së biznesit, me të cilën lidhen ngushtësisht profilet profesionale të Degëve që mbulohen nga ky Departament.

Programet e Studimit

Navigacion dhe Menaxhim Detar

Bachelor

Teknik Elektrik

Program 2 vjeçar

Teknologji Automobilash

Program 2 vjeçar

Menaxhim Transporti Detar dhe Tokësor

Program 2 vjeçar

Mekanik Detare

Program 2 vjeçar

Menaxhim Ndërtimi

Program 2 vjeçar

Hidroteknikë Ujësjellës Kanalizime

Program 2 vjeçar

Specialist i Sistemeve të Kondicionimit

Program 2 vjeçar

Mekanikë Impiantesh Industriale dhe Bujqësore

Program 2 vjeçar

Logjistikë dhe Siguri Detare

Master Profesional

Maritime Environmental Protection and Management

Master Shkencor

Stafi:

Përgjegjëse Departamenti Dr. Ing. Stela Sefa

Dr. Ing. Stela Sefa është pedagoge në Departamentin e Shkencave Inxhinierike dhe Detarisë. Ajo mban titullin Doktor i Shkencave në Inxhinieri, të mbrojtur në Fakultetin e Inxhinierisë së Ndërtimit në Tiranë.

Znj.Sefa është diplomuar për Inxhinieri Mjedisi në Universitetin Politeknik të Tiranës. Ajo ka kryer studimet post Master në Efiçiencë Energjie dhe Vlerësuese e Pasurive të Paluajtshme, si edhe është specializuar në Universitetin e Shkencave të Aplikuara në Bremen, Gjermani për Biogaz.

Fushat e kërkimit janë Ndotja e Mjedisit, Energjitë e Rinovueshme, Efiçienca e Energjisë, Auditimi i Energjisë etj.

Dr. Ing. Alma Golgota

Dr. Ing Alma GOLGOTA, lindur dhe banuese në durrës. Sot mban funksionin Përgjegjëse e Departamentit të Shkencave Inxhinierike dhe Detarise , në Fakultetin e Studimeve Profesionale, në Universitetin “Aleksandër Moisiu”, Durrës. Zotëron një diplomë të integruar të nivelit të dytë nga Universiteti Politeknik i Tiranës, Fakulteti i Inxhinierisë së Ndërtimit e diplomuar në inxhinieri Ndërtimi Rruga Ura . Ka mbaruar studimet doktorale në Universitetin Politeknik të Tiranës, Fakulteti i Inxhinierisë së Ndërtimit në specialitetin Konstruksione të Lehta Ndërtimi dhe të Prodhimit të Betone Durable.Ka eksperiencë të gjatë , në fushën e ndërtimit si projektuese, zbatuese dhe atë akademike. Gjatë kësaj kohe ka një numër të shumtë botimesh në revista shkencore, pjesëmarje dhe publikime në konferenca kombëtare dhe ndërkombëtare. Është pjesëmarrëse në shumë projekte kërkimore përfshirë edhe projekte në hapsirën europiane. Është pjesëmarëse në borde reviewer edhe në revista me indeksim scopus. Mbështet punën udhëheqëse të Departamentit në vlerësim të burimet njerëzore akademike dhe kërkimi shkencor.

Prof. Dr. Osman Metalla

Z. Metalla ka lindur në Durrës më 17 Korrik 1964. Ai është diplomuar në Akademinë Detare Shqiptare dhe ka një përvojë të gjerë në fushën e transportit, koordinimit me aktorët, menaxhimit dhe logjistikës. Aktualisht, ai është Dekan i Fakultetit të Studimeve Profesionale në Universitetin “Aleksandër Moisiu” Durrës dhe mban titullin akademik Profesor i Asociuar.

Lëndët kryesore që ai ligjëron përfshijnë Navigimin, Sigurimet Detare, Ekonominë Detare dhe Astronominë Detare.

Gjatë karrierës së tij profesionale, ai ka mbi 27 vite përvojë në menaxhimin portual, transportin, trafikun portual, sigurinë e navigimit, legjislacionin detar, koordinimin me aktorët e sektorit, shërbimet portuale dhe zbatimin e projekteve në fushën e detarisë dhe të gjithë infrastrukturës së transportit (përfshirë transportin rrugor dhe hekurudhor) në Shqipëri.

Ai ka qenë Koordinator i Strategjisë Sektoriale Kombëtare të Transportit (2006) dhe ka përvojë në identifikimin e nevojave të aktorëve, planifikimin dhe menaxhimin e projekteve të infrastrukturës së transportit, duke përfshirë studime fizibiliteti, analiza kosto-përfitim, si dhe planifikimin, monitorimin dhe vlerësimin e projekteve ndërkombëtare të infrastrukturës.

Studimet e tij të doktoraturës kanë trajtuar temën: “Hapësirat portuale dhe ndikimi i tyre në performancën e porteve”.

4o

Dr. Ing. Eli Vyshka

Është diplomuar në Inxhinieri Mekanike nga Universiteti Politeknik i Tiranës (Diplomë e Integruar e Nivelit të Dytë). Ajo zotëron një diplomë (Master i Nivelit të Dytë në Inxhinieri Mekanike, profili “Sistemet e Transportit dhe Menaxhimi i Trafikut” – studime pasuniversitare) nga Universiteti Politeknik i Tiranës dhe ka fituar gradën shkencore Doktor i Shkencave në Inxhinieri Mekanike.

Dr. Ing. Eli Vyshka është aktualisht Zv/Dekane e Fakultetit të Studimeve Profesionale në Universitetin “Aleksandër Moisiu”, Durrës dhe lektore në Departamentin e Shkencave Inxhinierike dhe Detarisë që nga marsi i vitit 2009. Nga viti 2012-2015 si as/pedagoge në Universitetin Politeknik Tiranë.

Dr. Ing. Eli Vyshka është autore e 12 cikleve të leksioneve për programet e studimit: “Logjistikë dhe Siguri Detare”, “Navigacion dhe Menaxhim Detar”, Teknologji Automobilash” dhe “Menaxhim Transporti Detar / Tokësor”.

Dr. Ing. Eli Vyshka është autore dhe bashkë-autore e më shumë se 17 publikimeve në revista shkencore dhe 30 referateve në konferenca rajonale, kombëtare dhe ndërkombëtare, 5 projekte kërkimore-shkencore. Publikimet e saj ndër të tjera përfshijnë studime të transportit inter-multimodal, pajisjet dhe operacionet në anije dhe porte, menaxhimi i zinxhirit të furnizimit global dhe qendrat logjistike.

Së fundmi është trajnuar për projektet e inovacionit, kërkimit-zhvillimit, sipërmarrjes së vogël e të mesme nga The Safety and Reliability Society (SARS Org. UK) përmes sponsorizimit nga Agjencia e BE-se për hekurudhat dhe konsultimet ndërkombëtare në fushën e sigurisë.

Dr. Cand Eduart Ndokaj

Lindur me 07.04.1972.

Perfunduar Studimet e Larta ne Matematike – 1989 – 1994

Universiteti i Tiranes-Fakulteti i Shkencave te Natyres

Master Shkencor –Inxhenieri Elektronike 2016-2018

“Albanian Unuversity”-Fakulteti i Inxhenierive.Tirane

Jam ne perfundim te studimeve te nivelit te trete PhD ne Teknologji Automobilash- “New Tecnologies in Electric Vehicles” – Universiteti Shteteror i Transportit “Todor Kableshkov”.Sofie.BG (E mbyll brenda 2024)

Njohes I shkelqyer I gjuhes Italiane.

Pas studimeve universitare emigroj ne Itali dhe punoj per 8,5 vjet ne kompanine Butan Gas & Lovato Gas ne Milano,Bolzano e Vicenca.

Gjate kesaj eksperience mar titujt:

Teknik I Specializuar Impiantesh shtepiake dhe Industriale GPL & Metan
Teknik i Specializuar Impiantesh Gazi GPL & CNG per Automjete.

Kompania Butan Gas SpA me transferon nga Bolzano ne Tirane si Administrator i Tirana Butan Gas ku punoj nga 31.3.2003- 01.11.2008

Ne Tetor 2008 themeloj Shoqaten “Autogas Club Albania” ku bejne pjese te gjithe auto-mekaniket qe montojne dhe riparojne Impiante Gazi per makina.Kjo shoqate eshte pjese e AEGPL CEFTA dhe AEGPL-Europe.

Nga viti 2008 deri 2019 Administrator i Impianti GPL-Auto shpk (Lovatogas Albania).

Nga Shtator 2013 – Korrik 2018 Zv/Drejtor i Shkolles Profesionale “Beqir Cela” Shkozet.Durres.

Tetor 2018- dhe ne vazhdim Petagog ne Universitetin “Aleksander Moisiu” Durres (fillimisht me kohehe te pjeseshme dhe prej dy vitesh me kohe te plote) – Fakulteti i Studimeve Profesionale kryesisht ne programet Teknologji Automobilash dhe ato te Gazit dhe Autogazit.

Msc. Ing. Adnand Myshketa

Msc.Ing. Adnand MYSHKETA është lector në Departamentin e Shkencave Inxhinjerike dhe Detarise në Universitetin “Aleksandër Moisiu”,Durrës. Ai zotëron një diplomë 5-vjecare te integruar (Bachelor + Master Shkencor ) ne Inxhinjeri Mekanike (profile Makineri) nga Universiteti Politeknik i Tiranes.Ai zoteron nje diplome Master i Nivelit te Dyte (ne Sisteme te Transportit dhe Menaxhim Trafiku), nga Universiteti Politeknik i Tiranes.

Më parë ai ka mbajtur pozicionet:

Krye/mekanik ne anijet e Fllotes Tregtare
Kryetar i Deges se Prodhimit te Shtypshkrimeve në D.T.Sh.
Inxhinjer Mekanik ne fabriken e Cimentos Fushe-Kruje.

Msc.Ing.Adnand MYSHKETA ka kryer trajnime ne fushen e Makinerive te Prodhimit te Cimentos dhe makinerive te Shtypshkronjes.

Ka mare pjese ne konferenca rajonale per Transportin Rrugore.

Msc.Ing.Adnand MYSHKETA është autor i disa cikleve te Leksioneve ne degen e Teknologjise se Automobilit.

Msc. Ing. Drita Hima

Është diplomuar në vitin 1990 dhe ka fituar titullin “Inxhiniere Mekanike” pranë Fakultetit të Inxhinierisë Mekanike në Universitetin Politeknik Tiranë. Ka kryer trajnime të ndryshme brenda vendit në fushën e transporteve. Eshte “Mësuese teorie dhe praktike në autoshkolla për të gjitha kategoritë e Lejeve të Drejtimit”. Ne vitin 2012 ka përfunduar Universitetin Bujqësor në Kamëz duke u diplomuar si Ekonomiste në “Ekonomi dhe Politika Agrare”. Në vitin 2014 përfundon studimet pasuniversitare në Inxhinieri Mekanike me Diplomë “Master në Menaxhim Tansporti,Trafiku dhe Siguri Rrugore”. Ndërsa në 2017 merr License për “Drejtues Teknik Autoservisi” për automobilat. Nga shtatori i 2015 dhe aktualisht është As/Lektore në Fakultetin e Studimeve Profesionale të Universitetit “Aleksandër Moisiu” Durrës dhe mbulon disa lëndë në degët e Menaxhimit te Transportit, Teknologji Automobilash dhe Mekanik Impiantesh Industriale dhe Bujqësore.

Msc. Ing. Erion Mali

MSc. Ing. Erion MALI është pedagog në Departamentin e Shkencave Inxhinierike dhe Detarisë, të Universitetit “Aleksandër Moisiu” Durrës. Është diplomuar në Universitetin Politeknik të Tiranës, diplomë ‘Bachelor’ dhe ‘Master i Shkencave’ në Inxhinieri Elektrike.

Ka eksperiencë pune si në fushën akademike ashtu dhe në atë profesionale. Disa nga përvojat e tija të mëparshme profesionale janë:

Si Inxhinier i Mirëmbajtjes, përgjegjës për linjën e prodhimit;

si IT (administrim rrjeti);

si Inxhinier Elektrik, përgjegjës për instalimin, riparimin dhe mirëmbajtjen e makinerive industriale si: makina saldimi dhe prerëse, fshikëza CNC, torno, makineri shpuese etj;

si Inxhinier Elektrik në projektimin dhe instalimin e rrjeteve të ndryshme elektrike në impiante banimi, industriale dhe fotovoltaike.

Për sa i përket përvojave akademike: ka punuar si pedagog me kohë të pjesshme dhe me kohë të plotë në universitete të ndryshme, publike dhe private.

Ai është autor i disa publikimeve në revista, konferenca kombëtare dhe ndërkombëtare.

Msc. Ing. Blerta Gërmenji

Msc. Ing. Blerta Gërmënji është lektore me kohë të plotë pranë Departamentit të Shkencave Inxhinierike dhe Detarisë, “Universiteti Aleksandër Moisiu”, Durrës prej Tetor 2017. Ajo është diplomuar pranë Universitetit Politeknik, Tiranë (Master i Shkencave në Inxhinieri Elektrike, profilI Automatizim i Industrisë).

Më herët ka qënë lektore me kohë të pjesshme në Departamentin e Shkencave Inxhinierike dhe Detarisë, “Universiteti Aleksandër Moisiu”, Durrës në periudhën Tetor 2015 – Korrik 2017.

Gjatë kësaj kohe ka një numër të konsiderueshëm të punimeve dhe pjesëmarrjes në konferenca kombëtare dhe ndërkombëtare.

Ka eksperiencë përkatësisht në sektorin teknik dhe atë të projektimit. Detyrat kryesore në sektorin teknik kanë qënë operimi dhe mirëmbajtja e rrjetit elektrik, ndërsa fokusi në sektorin e projektimit ka qënë planfikimi dhe dizenjimi i rrjetit me tension të ulët dhe të mesëm.

Msc. Ing. Rezarta Cara

Unë jam Msc. Ing. Rezarta CARA, Asistent-Lektore në Departamentin e Shkencave Inxhinierike dhe Detarisë, në Fakultetin e Studimeve Profesionale, në Universitetin “Aleksandër Moisiu”, Durrës. Zotëroj një diplomë të integruar të nivelit të dytë nga Universiteti Politeknik i Tiranës, Fakulteti i Inxhinierisë së Ndërtimit, e diplomuar si Inxhiniere për Ndërtime Civile dhe Industriale. Disponoj një Liçencë për mbikqyrje dhe kolaudim të punimeve të zbatimit, që prej vitit 2010, e rinovuar sipas standarteve të reja në 2018.

Kam kryer një sërë kursesh kualifikimi pasuniversitar si : Kurs i Vlerësimit të Pasurive të Paluajtshme – Ndërtesa dhe Tokë Truall, në Universitetin Politeknik të Tiranës (Liçencë Shkalla e Parë); Kurs i Vlerësimit të Pasurive të Paluajtshme – Toka bujqësore, Toka pyjore, etj., pranë Universitetit Bujqësor Tiranë (Liçencë Shkalla e Parë); Kurs i Auditimit të Energjisë për Vlerësimin e Efiçencës së Energjisë në Ndërtesa pranë Universitetit Polis dhe Kurs i Auditimit të Energjisë për Vlerësimin e Efiçencës së Energjisë në Proceset Teknologjike pranë Universitetit “Aleksander Moisiu”.

Kam eksperiencë të gjatë, në fushën e zbatimit të punimeve të ndërtimit dhe në atë akademike. Gjatë kësaj kohe kam një numër të konsiderueshëm botimesh në revista shkencore, konferenca kombëtare dhe ndërkombëtare. Jam pjesëmarrëse në projekte kërkimore. Mbështes punën akademike të Departamentit si anëtare në komisionin e përhershëm të garantimit të standarteve të cilësisë së FSP.

Msc. Ing. Luiza Lluri

Msc.Ing Luiza LLURI, është lektore e Departamentit të Shkencave Inxhinierike dhe Detarise, në Fakultetin e Studimeve Profesionale, në Universitetin “Aleksandër Moisiu”, Durrës. Zotëron një diplomë të integruar të nivelit të dytë nga Universiteti Politeknik i Tiranës, Fakulteti i Inxhinierisë Mekanike, diplomuar për teknologji e makina metalpunues..

Në vitin 2011 përfundon studimet pasuniversitare në Fakultetin e Inxhinierisë Mekanike me Diplomë “Master në Planifikim Transporti, Menaxhim Trafiku dhe Siguri Rrugore pranë Universitetit Politeknik të Tiranës. Ka experiencë të gjatë, në fushën e mësimdhenies së lëndeëve profesionale dhe atë akademike.

Gjatë kësaj kohe ka një numër të shumtë botimesh në revista shkencore, konferenca kombëtare dhe ndërkombëtare.Është pjesëmarrëse në projekte kërkimore. Nga 2009 e në vazhdim si lektore mbulon Degët:Teknologji Automobilash dhe Menaxhim Transporti ne lëndët: Teknologjia e materialeve;VizatimInxhinierik; Mjetet e transportit; Elemente konstruksionesh të automobilave, Transporti publik.

Msc. Ing. Elma Kodra

Msc. Ing. Elma Kodra është Lektore në Departamentit e Shkencave Inxhinierike dhe Detarisë
në Universitetin “Aleksandër Moisiu”, Durrës. Ajo zotëron një diplomë nga Universiteti
Politeknik i Tiranës (Diplomë e Integruar e Nivelit të Dytë në Inxhinieri Mjedisi), nga
Universiteti Politeknik i Tiranës (Master Shkencor në Trajtim Uji )
Ajo ka qënë lektore me kohë të plotë e Departamentit të Shkencave Inxhinierike dhe Detarisë në
Universitetin “Aleksandër Moisiu” Durrës.

Msc. Ark. Justin Mihani

MSc. Ark. Justin MIHANI është lektor në Departamentin e Shkencave Inxhinierike dhe Detarisë në Universitetin “Aleksandër Moisiu”, Durrës. Ai zotëron një diplomë nga Universiteti “Gabriele d’Annunzio”, Chieti-Pescara, Itali (BSc dhe MSc në Arkitekturë).

Më parë ai ka mbajtur pozicionin Arkitekt – Koordinues ne zyren e Projektimit Urbanistik. Drejtor – Drejtoria e Kontrollit, Zhvillimit Urbanistik dhe Pronave, Bashkia Kavajë.

MSc. Ark. MIHANI është autor dhe bashkë-autor i disa publikimeve në revista shkencore dhe konferenca rajonale, kombëtare dhe ndërkombëtare.

Msc. Capt. Shpëtim Pupa

Msc. Kapiten Shpetim Pupa është lektor në Departamentin e Shkencave Inxhinierike dhe Detarise në Universitetin “Aleksandër Moisiu”, Durrës. Ai zotëron një diplomë të integruar të nivelit të dytë nga Akedemia e Deterise Vlorë “Msc në Navigacion Detar”.

Më parë ai ka mbajtur pozicionin Kapiten anije në Anije te ndryshme te transportit detar me flamur shqiptar dhe të huaj.

Kapiten i Kompanisë, Personi i Nominuar (DPA) për menaxhimin e sigurtë dhe Oficer Sigurie i Kompanisë (CSO) në kompaninë San Nikolla SH.P.K.

Albanian