Rektori i UAMD-së, Prof. Dr. Shkëlqim Fortuzi, mirëpriti sot, z. Jan Jacob Hilberdink, Drejtor i Dutch Export Association, përfaqësues i 125 kompanive holandeze me aktivitet ndërkombëtar.
Gjatë takimit, Z. Hilberdink shprehu dëshirën dhe vullnetin, në emër të kompanive holandeze, për të ndërtuar ura bashkëpunimi me UAMD-në, duke përfshirë ngritjen e grupeve kërkimore me pjesëmarrjen e stafit akademik dhe studentëve, për të kryer studime tregu, mikro-strategji, Start-up-e si dhe për të forcuar bashkëpunimin ekonomik dhe mundësinë tregtare mes Holandës dhe Shqipërisë përmes ekspertizës dhe kërkimit universitar.
Rektori prezantoi kapacitetet dhe potencialin institucional të UAMD-së për bashkëpunime në mbështetje të studentëve dhe stafit akademik, duke respektuar kuadrin ligjor shqiptar dhe duke përmbushur misionin e universitetit për zhvillim dhe inovacion.
Albanian 
English