Në Fakultetin e Shkencave Politike Juridike, pranë Universitetit Aleksandër Moisiu, hapen tri programe të reja studimi në vitin akademik 2023-2024, si diploma të dyfishta me universitetet presitigjioze italiane si:
Në një ceremoni lançimi e këtyre programeve me diploma të dyfishta, u inaugua edhe laboratori EULAB, ndërtuar me financim nga Qeveria Shqiptare, si pjesë e projektit të ndërkombëtarizimit të Arsimit të lartë.
Në ceremoninë e organizuar mori pjesë Ministria e Arsimit Ogerta Manastirliu e cila theksoi se ndërkombëtarizim do të thotë që ne do të shkojmë më afër standarteve më të larta që duam dhe meritojmë të kemi, por mbi të gjitha që meritojnë të rinjtë tanë. Ne duam ta ndërtojmë Europën këtu, e këto programe krijojnë një tjetër standart dhe hapin të tjera rrugë, që ne duhet ti përshkojmë për të vajtur në dimensionin evropian të arsimit të lartë.
Rektorja Prof. Dr. Kseanela Sotirofski theksoi se falë mbështetjes dhe financimeve nga Qeveria Shqiptare, ne po ecim në këtë drejtim të sigurtë. Ajo vuri në dukje se Universiteti Aleksandër Moisu numëron sot 7 diploma të përbashkëta në të tri ciklet e studimit, falë financimit të qeverisë. Gjithashtu – theksoi ajo – UAMD numëron edhe 21 projekte të ngritjes së kapaciteteve, nga të cilat 3 si koordinator, 4 projekte Interreg Europe, 1 Jean Monnet e më shumë se 85 marrëveshje me universitete evropiane për shkëmbim akademik dhe studentësh, financuar nga BE. UAMD është sot partner me 8 universtete evropiane i Alenacës Strategjike për Tranzicionin Rajonal STARS EU, për të cilën është krenar.
Dekani i Fakultetit të Shkencave Politike Juridike, Prof. Ass. Dr. Andon Kume theksoi:
“Ndërkombëtarizimi i ofertës akademike vjen si një prioritet i ndërgjegjësimit për dimensionin global që ka marrë sot formimi universitar. Kërkesa gjithnjë në rritje për këtë formim duket në forcat migruese imponuese. Kjo situatë e vendos arsimin e lartë përballë sfidave por edhe mundësive të reja të cilat do të rrisin kapacietet e pakonceptuara më parë, për stafin dhe studentët.
Fakulteti i Shkencave Politike Juridike vjen me një ofertë akademike të ndërkombëtarizuar në të tri ciklet e studimit: Doktoraturë, Master dhe Bachelor në pesë programe studimi me diplomë të dyfishtë të hapura në dy vitet e fundit akademike”.
Në ceremoninë e inaugurimit morën pjesë përfaqësues të Ambasadës Italiane në Shqipëri si dhe delegacione nga tri universitet italiane partnere: Prof. Filippo Reganati dhe prof. Marco Cilenti nga Universiteti Sapienza, Prof. Maurizia de Bellis nga Universiteti Tor Vergata dhe prof. Prof. Renzo Repetti dhe Prof. Agostino Massa nga Universiteti i Genovas.
Programet e studimit me diploma të dyfishta u japin mundësi studentëve të përfitojnë një diplomë nga univesiteti partner, pa qenë e nevojshme të largohen nga vendi por vetëm duke kryer një semestër në universitetin partner europian.
