Menaxhimin e Ndërmarrjeve të Vogla dhe të Mesme - Universiteti "Aleksandër Moisiu"

Përshkrimi i Programit:

Programi i studimit Bachelor për “Menaxhimin e Ndërmarrjeve të Vogla dhe të Mesme”, synon të specializojë studentët në menaxhimin efektiv të SME-ve. Ky program ofron njohuri teorike dhe praktike për drejtimin e suksesshëm të këtyre ndërmarrjeve, duke përfshirë një kurrikul të hartuar në bashkëpunim me bizneset për të ndihmuar formimin profesional të studentëve. Ky program përfshin lëndë që mbulojnë aspekte të ndryshme të menaxhimit, duke përfshirë marketingun, financat, burimet njerëzore dhe strategjitë e zhvillimit të biznesit. Përveç kësaj, studentët kanë mundësinë të zhvillojnë aftësi praktike përmes praktikave profesionale, duke i përgatitur ata për sfidat reale të tregut të punës. Studimet universitare janë te integruara me praktikën profesionale drejtperdrejte në sipermarrje (arsimim dual).

Përgatitje pedagogjike dhe metodologjike për të maksimalizuar suksesin e studentëve.

Shkarko Kurrikulen

Ku mund të punësohemi pas mbarimit të studimeve?

Mundësitë e punësimit, pas përfundimit të programit të studimit të diplomuarit mund të punësohen si menaxherë ose drejtues në ndërmarrje të vogla dhe të mesme, duke zbatuar njohuritë e fituara në menaxhimin e këtyre bizneseve. Gjithashtu, ata mund të angazhohen si specialistë në fusha të tilla si marketingu, financa, burimet njerëzore dhe operacionet brenda SME-ve. Duke pozicionuar veten si model cilësie dhe profesionalizmi, si një partner i besueshëm, dhe forcë e madhe në tregun e punës.

Përse duhet të studioni këtë program?

Aftësi praktike dhe teorike: Programi është projektuar për të zhvilluar aftësitë tuaja në krijimin dhe menaxhimin e bizneseve të vogla dhe të mesme, duke përfshirë komunikimin efektiv dhe funksionet menaxheriale si logjistika dhe menaxhimi i shërbimeve.
Kurrikul e përshtatur me tregun: Kurrikula është hartuar në bashkëpunim me bizneset, duke siguruar që njohuritë e fituara të jenë në përputhje me kërkesat aktuale të tregut të punës.
Mundësi të gjera punësimi: Pas diplomimit, mund të punësoheni në sektorë të ndryshëm si industria e turizmit, sektori bankar, edukimi, ose të vetëpunësoheni duke krijuar dhe drejtuar biznesin tuaj.