Programi i Studimit Profesional 2-vjeçar “Guidë Turistike”

Përshkrimi i Programit:

Programi i studimit profesional “Guidë Turistike” ofrohet nga Departamenti i Turizmit në Fakultetin e Biznesit, Universiteti “Aleksandër Moisiu” Durrës. Ky program ka një kohëzgjatje prej 2 vitesh akademike, me një total prej 120 kreditesh dhe zhvillohet në gjuhën shqipe.

Programi është i hapur për të gjithë kandidatët që kanë përfunduar me sukses maturën shtetërore ose që posedojnë një diplomë të shkollës së mesme ekuivalente nga një vend i huaj. Regjistrimi nuk është i kushtëzuar nga mesatarja e notave, megjithatë, inkurajohen veçanërisht studentët me rezultate të larta të aplikojnë.

Programi synon të përgatisë profesionistë të aftë për të udhëhequr dhe menaxhuar aktivitete të ndryshme turistike, me fokus në promovimin e trashëgimisë kulturore, historike dhe natyrore të vendit tonë.

3 Pika Kryesore të Programit Bachelor në Bankë-Financë:

• Vlerësim i Avancuar i Projekteve: Studentët mësojnë të analizojnë dhe vlerësojnë projekte investimesh duke përdorur teknika të ndryshme të avancuara financiare.
• Vendimmarrje Financiare e Informuar: Programi ofron njohuri të thelluara mbi proceset e vendimmarrjes financiare për individët, bizneset dhe institucionet.
• Përdorim Efektiv i Tregjeve Financiare: Përgatit studentët për të mbledhur fonde në tregjet e parasë dhe kapitalit, duke i aftësuar për të përballuar dinamikën e sektorit financiar modern.

Pse duhet të studioni në këtë program?

Turizmi është një nga sektorët më të rëndësishëm dhe në rritje të ekonomisë shqiptare. Ky program ju ofron mundësinë të bëheni pjesë e një industrie dinamike dhe të kërkuar.

• Aftësi të Specializuara dhe Praktike:
  Programi ju pajis me aftësi për planifikimin dhe menaxhimin e tureve, interpretimin e siteve historike, kulturore dhe natyrore, si dhe për zhvillimin e paketave turistike të personalizuara për grupe të ndryshme.

• Mundësi të Shumta Punësimi:
  Me një diplomë në këtë program, mund të punoni si guidë turistike e pavarur, menaxher turi, udhërrëfyes në muze dhe parqe natyrore, ose në qendra të informacionit turistik – pozicione që janë gjithnjë të kërkuara në tregun e punës.

• Program Fleksibël dhe i Arritshëm:
  Programi zgjat vetëm 2 vite akademike, është i hapur për të gjithë të diplomuarit e shkollës së mesme dhe nuk kufizon regjistrimin bazuar në mesataren e notave.

Objektivat kryesore të programit:

1. Aftësi për Hulumtim dhe Planifikim Itinerarësh
   Studentët mësojnë të hulumtojnë zona të ndryshme dhe të krijojnë itinerare udhëtimi që përmbushin nevojat e vizitorëve.

2. Aftësi për Udhëheqje dhe Prezantim
   Formimi profesional përfshin aftësi për të drejtuar grupe turistësh, për të prezantuar destinacione dhe për të interpretuar site kulturore, historike dhe natyrore.

3. Aftësi për Menaxhim dhe Zhvillim Turesh
   Studentët pajisen me kompetenca për zhvillimin dhe menaxhimin e tureve turistike, duke përfshirë planifikimin e itinerareve, paketave nacionale dhe ndërkombëtare, si dhe menaxhimin e eventeve në turizëm.

Ku mund të punësoheni pas përfundimit të studimeve?

Të diplomuarit në këtë program kanë mundësi të shumta punësimi në sektorin e turizmit, i cili është një nga sektorët më të rëndësishëm të ekonomisë së vendit. Disa nga pozicionet e mundshme për punësim përfshijnë:

• Guidë turistike e pavarur (freelance).
• Guidë në muze dhe vende historike.
• Ofrues i shërbimeve në qendrat e informacionit turistik.
• Menaxher i qendrës së informacionit turistik.
• Drejtues turi pranë kompanive/operatorëve të udhëtimeve.
• Guidë në parqe arkeologjike dhe natyrore.
• Menaxher turi.
• Udhërrëfyes turistik.