E DREJTË NDËRKOMBËTARE TREGTARE

Përshkrimi i Programit:

Profili i studimeve master profesional në: “E drejtë ndërkombëtare tregtare” ka për qëllim t’u ofrojë studentëve një studim të thelluar të sistemit tregtar botëror dhe t’u ofrojë një analizë të thelluar mbi zhvillimet e politikave tregtare, marrëveshjeve të tregtisë së lirë, si dhe të OBT. Masteri kërkon të formësojë teknikë të së drejtës me një optike të re të politikave tregtare ndërkombëtare rajonale dhe kombëtare si dhe të krijojë një ndërgjegje te re të tregtisë dhe biznesit ndërkombëtar. Në përfundim të këtyre programeve studentët do të jenë të aftë të avancojnë në karrierën e tyre si konsulentë të sektorit privat, nëpunës të administratës publike apo ushtrimin e profesioneve të lira (noter, avokat, përmbarues).

Kohëzgjatja: 1 (nje) vit akademik

Kreditet: 60 kredite

Pse duhet të studiojmë këtë program?

Specializim në një fushë në rritje globale

Ky program ofron njohuri të përqendruara në:

• Të drejtën e kontratave tregtare ndërkombëtare
• Arbitrazhin tregtar dhe zgjidhjen alternative të mosmarrëveshjeve
• E drejta e OBT-së (Organizata Botërore e Tregtisë)
• Investimet ndërkombëtare dhe mbrojtja e tyre
• E drejta e transportit, pagesave dhe sigurisë ndërkombëtare

Kjo e bën këtë program thelbësor për juristë që duan të operojnë në tregun ndërkombëtar.

Orientohet nga praktika dhe nevojat e tregut

Si master profesional, ai është i ndërtuar për të përgatitur studentët për praktikën konkrete ligjore, me theks në:

• Raste reale dhe studime konkrete
• Simulime të proceseve arbitrazhi dhe negocimi
• Përfshirje të ekspertëve të fushës dhe ligjërues nga praktika

E përshtatshme për karrierë në sektorin privat dhe ndërkombëtar

Ky program ju përgatit për punësim në:

• Studio ligjore ndërkombëtare
• Departamente juridike të kompanive eksport-import
• Dhoma tregtie dhe organizata biznesi
• Institucione financiare, banka apo kompani sigurimi
• Strukturat kombëtare që mbikëqyrin marrëveshje tregtare

Njohuri të dobishme për një treg gjithnjë më të integruar

Në kohën e globalizimit dhe integrimit europian, juristët me njohuri në tregtinë ndërkombëtare janë gjithnjë e më të kërkuar.

Kujt i përshtatet ky program?

• Juristëve dhe ekonomistëve që duan të operojnë në fushën e tregtisë ndërkombëtare
• Studentëve që synojnë një profil praktik, të orientuar drejt biznesit ndërkombëtar
• Atyre që duan të specializohen për arbitrazh, kontrata tregtare dhe marrëdhënie ndërkufitare