Doktoraturë në Administrim Publik

Profili Kulturor dhe Profesional i Studentit në Përfundim të Programit të Doktoraturës

Misioni i Doktoraturës në Administrim Publik është të sigurojë studime të thelluara dhe të avancuara në teorinë dhe kërkimin shkencor në fushën e Administrimit Publik, duke përgatitur studentët për avancim akademik, kërkimor dhe një karrierë të avancuar profesionale.

Përfundimi me sukses i gradës Doktor në Administrim Publik kërkon nga çdo doktorant të zhvillojë një marrëdhënie të thelluar dhe të sofistikuar me dijen, duke ndërtuar një identitet të qartë intelektual. Gjatë programit, doktorantët ekspozohen ndaj bazave ontologjike dhe epistemologjike të dijes, duke punuar në një mjedis akademik të hapur dhe bashkëpunues, ku analizohen dhe ndahen terma, ide dhe kompetenca në Administrimin Publik me një qasje shkencore dhe krijuese.

Në përfundim të studimeve, doktorantët janë të aftë të identifikojnë dhe zhvillojnë një traditë specifike të kërkimit shkencor, si dhe të përdorin metoda kërkimore të përputhshme me angazhimet e tyre akademike dhe profesionale. Ky program krijon mundësinë për të ndërtuar një identitet të dallueshëm intelektual, i cili është thelbësor për përfshirjen dhe kontributin në sektorin publik.

Qëllimi i Doktoraturës

• Të përgatisë studentë që janë të aftë të kuptojnë dhe të prodhojnë kërkim shkencor origjinal dhe cilësor në fushën e Administrimit Publik.
• Të kontribuojë në përmirësimin e bazës teorike të Administrimit Publik dhe zhvillimin e praktikave efektive në sektorin publik.
• Të mundësojë ndikimin e punës kërkimore shkencore nëpërmjet mësimdhënies dhe trajnimeve akademike.

Ky program i doktoraturës në Administrim Publik u ofron doktorantëve mundësinë të shohin ndikimin e kërkimit të tyre jo vetëm në zhvillimin e dijes akademike, por edhe në përmirësimin e praktikave të administratës publike, duke shërbyer si një urë lidhëse mes teorisë dhe zbatimit praktik.

Njohuritë dhe Kompetencat e Studentëve në Përfundim të Programit të Doktoraturës në Administrim Publik

Në përfundim të Doktoraturës në Administrim Publik, Doktori i Shkencave në Administrim Publik është i aftë të:

• Analizojë çështje konkrete të qeverisjes në terma konceptualë, teorikë, praktikë dhe analitikë.
• Vlerësojë fenomenet dhe problematikat sociale, duke i analizuar në kontekstin e rolit të qeverisë dhe platformave politike.
• Integrojë kuptimin e procesit politik, zhvillimit dhe vlerësimit të politikave publike, si dhe analizën fiskale, me qëllim përmirësimin e efektivitetit të shërbimeve dhe programeve publike.
• Përdorë metodat sasiore dhe cilësore në kërkimin shkencor, duke ofruar zgjidhje të aplikueshme për administratorët dhe aktorët publikë.
• Veprojë në mbështetje të interesit publik, duke ju referuar standardeve të larta shkencore dhe etike.

Mundësitë e Karrierës për të Diplomuarit

Programi Doktoraturë në Administrim Publik përgatit profesionistë për një karrierë të avancuar në:

• Institucione akademike dhe kërkimore në fushën e administrimit publik.
• Organizata që kryejnë kërkime për interesin publik dhe quasi-publik.
• Organizata private që operojnë në sektorin publik dhe zhvillimin institucional.
• Institucione publike, organizata joqeveritare (OJQ) dhe agjenci qeveritare.
• Institucione këshillimore për politikat publike dhe shërbimet publike.

Rëndësia e Programit në Tregun e Punës

Në një kohë kur qeveritë dhe organizatat kërkojnë të menaxhojnë burimet në mënyrë më efikase, ekspertët e administrimit publik janë gjithnjë më të kërkuar.

Ky program u ofron doktorantëve ekspertizë të avancuar në qeverisjen qendrore dhe vendore, si dhe në zhvillimin dhe rregullimin e politikave publike. Duke kombinuar aspektin teorik dhe aplikativ, programi përgatit individë për rol administrative dhe drejtuese në sektorin publik, privat dhe atë jo-fitimprurës.

Të diplomuarit në Doktoraturën në Administrim Publik janë të aftë për:

• Menaxhimin e financave publike dhe buxhetimin në institucione qeveritare.
• Hartimin dhe analizën e politikave publike në nivel kombëtar dhe ndërkombëtar.
• Vlerësimin e programeve dhe zhvillimin ekonomik në sektorin publik.
• Lidership dhe vendimmarrje strategjike në administratën publike dhe organizatat ndërkombëtare.

Ky program ofron një bazë të fortë akademike dhe praktike, duke krijuar mundësi të shumta për punësim dhe zhvillim profesional në sektorët kyç të administrimit publik.