Në 23 tetor 2024, Fakulteti i Studimeve Profesionale në Universitetin “Aleksandër Moisiu” Durrës zhvilloi një veprimtari informuese për studentët e Programeve Profesionale Teknologji Automobilash dhe Menaxhim Transporti Detar/ Tokësor. Ky aktivitet u fokusua në prezantimin e mundësive dhe moduleve të avancuara që ofron ky fakultet, të cilat synojnë përgatitjen e studentëve për sfidat profesionale në fushat përkatëse. Mbi perdorimin , mirembajtjen dhe riparimin e makinave elektrike. Mbi eficencën ekonomike dhe mjedisore të perdorimit të këtyre automjeteve.
Një veçori kryesore e kësaj ngjarjeje ishte përqendrimi në projektin PELMOB, i cili sjell qasje të reja në arsimin e lëvizshmërisë dhe transportit. Ky projekt, përmes moduleve specifike, synon të pajisë studentët me njohuri të thelluara dhe kompetenca të nevojshme për të qenë të suksesshëm në tregun dinamik të punës.
Në vijim të prezantimeve, studentët patën mundësinë të marrin pjesë në sesione interaktive, ku mund të bënin pyetje dhe të ndanin qëllimet e tyre akademike dhe profesionale. Stafi akademik i fakultetit gjithashtu dha udhëzime të vlefshme për procesin e studimeve dhe mundësitë e zhvillimit të mëtejshëm profesional.
Ngjarja theksoi përkushtimin e Fakultetit të Studimeve Profesionale për të ofruar arsim të avancuar, të përshtatur sipas nevojave të tregut dhe për të mbështetur studentët në ndërtimin e karrierës së tyre.
English