Masteri Profesional “Terapia Manuale dhe Fizioterapia Muskuloskeletike”

Përshkrimi i Programit:

Masteri Profesional “Terapia Manuale dhe Fizioterapia Muskuloskeletike” synon të avancojë formimin profesional të studentëve të fizioterapisë, duke i përgatitur ata si specialistë të kualifikuar në fusha të ndryshme të rehabilitimit. Ky program ofrohet nga Universiteti “Aleksandër Moisiu” Durrës (UAMD) dhe u dedikohet jo vetëm studentëve që kanë përfunduar ciklin Bachelor në Fizioterapi pranë UAMD-së, por edhe atyre që vijnë nga universitete të tjera vendase.

Programi përqendrohet në zhvillimin e aftësive të avancuara praktike dhe teorike në fushat si: neurologjia, ortopedi-traumatologjia, kirurgjia, pediatria dhe geriatria, duke siguruar një formim të thelluar në trajtimet manuale dhe fizioterapinë muskuloskeletike.

Ky Master Profesional kombinon lëndë bazë, karakterizuese dhe ndërdisiplinore për të ndërtuar një profil të plotë dhe të specializuar të fizioterapistit modern.

Përgatitje pedagogjike dhe metodologjike për të maksimalizuar suksesin e nxënësve të moshës së re shkollore.

Shkarko Kurrikulen

Objektivat kryesore te programit:

✅ Të përgatisë fizioterapistë të kualifikuar, të aftë për të vepruar në mënyrë të pavarur në mjedise klinike publike dhe private.
✅ Të zhvillojë njohuri të avancuara teorike dhe praktike në fushat kryesore të fizioterapisë rehabilituese.
✅ Të forcojë aftësitë metodologjike dhe kulturore të studentëve përmes lëndëve bazë të detyrueshme.
✅ Të ofrojë përgatitje të thelluar dhe të specializuar në Terapinë Manuale dhe Fizioterapinë Muskuloskeletike përmes lëndëve karakterizuese.
✅ Të mundësojë njohuri në fusha ndërdisiplinore që ndërthurin aspekte të shkencave neurologjike, ortopedike, kirurgjikale dhe pediatrike.
✅ Të mbështesë zhvillimin profesional të vazhdueshëm të studentëve pas përfundimit të ciklit të parë të studimeve.
✅ Të përgatisë studentët për tregun e punës kombëtar dhe ndërkombëtar në sektorin e kujdesit shëndetësor dhe rehabilitimit.

Pyetje të shpeshta nga maturantët…

Çfarë synon të arrijë Masteri Profesional në Terapinë Manuale dhe Fizioterapinë Muskuloskeletike?

Ky program synon të zhvillojë aftësitë profesionale të studentëve në fizioterapi, duke i përgatitur ata si specialistë të aftë për të ofruar trajtim rehabilitues në fusha si neurologjia, ortopedia, kirurgjia, pediatria dhe geriatria.

Cilat janë kategoritë kryesore të lëndëve që përfshihen në këtë program masteri?

Bazë të detyrueshme, që japin përgatitje të përgjithshme dhe metodologjike,
Karakterizuese, që ofrojnë njohuri të specializuara në fushën e fizioterapisë muskuloskeletike,
Ndërdisiplinore, që përfshijnë njohuri nga fusha të ndryshme të lidhura me rehabilitimin.

Kush mund të regjistrohet në këtë program Masteri Profesional?

Të drejtë regjistrimi kanë studentët që kanë përfunduar ciklin Bachelor në Fizioterapi në UAMD, por edhe studentë nga universitete të tjera që kanë përfunduar të njëjtin program studimi.

Në cilat institucione mund të punojnë studentët pas përfundimit të këtij programi?

Pas përfundimit të studimeve, studentët do të jenë të aftë të punojnë si fizioterapistë në mënyrë të pavarur në spitale dhe klinika shtetërore apo private.