Thirrje për shkëmbime të stafit akademik me Universitetin Kombëtar të Edukimit, Krakow, Poloni

Universiteti “Aleksandër Moisiu” Durrës, në kuadër të programit Erasmus+ KA1, i ofron stafit akademik mundësinë për të zhvilluar një javë mësimdhënie në Universitetin Kombëtar të Edukimit Krakow, Poloni (https://www.uken.krakow.pl/).

Mobiliteti konsiston në mësimdhënie për stafin akademik në gjuhën angleze për një javë (5 ditë) në universitetin pritës. 

Numri i kuotave:

• 5 (pesë) staf akademik për mësimdhënie

Lloji i  mobilitetit:

• Mësimdhënie  

Fakultetet:

Fakulteti i Edukimit – (Fushat: Kujdes Social; Pedagogji; Edukim Special; Arsim Parashkollor ; Arsim Fillor; Punë Sociale)

Afati i aplikimit: 27 Dhjetor, 2024.

Në varësi të numrit dhe cilësisë së aplikimeve, fituesit do të shpallen në bashkëpunim me Universitetin pritës.

Dokumentacioni i nevojshëm për stafin akademik për të aplikuar për mobilitet në   Universitetin Kombëtar të Edukimit Krakow, Poloni:

–     CV sipas formatit Europass në gjuhën angleze; (max 4 faqe)

–     Dëshmi e njohjes së gjuhës angleze (C1);

–     Kopje e pasaportës.

Kohëzgjatja e qëndrimit duhet të jetë 7 ditë, ku 5 ditë janë ditë pune dhe dy ditë udhëtim.

Për këtë qëndrim pagesa bëhet nga universiteti pritës, në vlerën 140 Euro/dita (ku përfshihet hoteli dhe shpenzimet e qëndrimit), si dhe udhëtimi vajtje-ardhje, deri në 275 euro.

Dokumentat mund të dorëzohen elektronikisht në adresën anilavelja@uamd.edu.al, cc: arbamerhori@uamd.edu.al ose dorazi pranë Drejtorisë së  Projekteve dhe Marrëdhënieve me Jashtë,  Kati i Tretë, zyra 316, Universiteti “Aleksandër Moisiu” L.1  Rruga Taulantia, Durrës.