Menaxhim Ndërtimi

Përshkrimi i Programit:

Zhvillimet në sektorin bankar dhe atë financiar po përparojnë me ritme të shpejta, duke krijuar sfida gjithnjë e më komplekse për bizneset dhe institucionet. Programi Bachelor në Bankë-Financë është konceptuar për t’u ofruar studentëve një bazë të gjerë njohurish, duke i aftësuar ata të vlerësojnë projektet e investimeve përmes teknikave të ndryshme të avancuara.

Ky program u ofron studentëve një kuptim të thellë të proceseve të vendimmarrjes financiare të përdorura nga individët, bizneset dhe institucionet. Gjithashtu, fokusohet në aplikimin praktik të parimeve financiare, duke i udhëzuar studentët se si të mbledhin fonde në tregjet e parasë dhe të kapitalit në mënyrë efektive.
Përmes këtij programi, studentët fitojnë aftësi për të përballuar dinamikën e peizazhit financiar modern, për të përgatitur zgjidhje për sfidat e financës së sotme dhe për të kontribuar në suksesin strategjik të organizatave në një mjedis ekonomik gjithnjë në zhvillim.

Pse duhet të studioni në këtë program?

Të diplomuarit në këtë Degë fitojnë mjetet që të kenë sukses kudo në fushën e menaxhimit të ndërtimit. Përveç matematikës së aplikuar dhe lëndëve shkencore, studentët marrin aftësi kompjuterike dhe njohuri për materialet e ndërtimit, aftësohen në hartimin e vlerësimeve teknike të proceseve të punës në ndërtim dhe njohin kodet dhe rregulloret e vlerësimit ekonomik të proceseve të ndërtimit.

Të gjithë këto faktorë bëjnë që të diplomuarit të kenë  aftësi të propozojnë  dhe të menaxhojnë në aktivitete biznesi të ndërtimit.  Të gjitha kërkesat e mësipërme janë në përputhje të plotë me ndryshimet e fundit në standartet e industrisë së ndërtimit të cilët evidentojnë aftësitë dhe dijet që punonjësit e ndërtimit duhet të kenë në mënyrë që të mbikqyrin dhe menaxhojnë bizneset e ndërtimit.

Lidhja e tyre me praktikën profesionale i bën ata të aftë në organizimin dhe drejtimin e çdo nënkontraktori privat që vepron në fushën e ndërtimit.

Ku mund të punësoheni pas përfundimit të studimeve?

Të diplomuarit tanë mund të punësohen në të gjithë kantieret e ndërtimit brenda vendit dhe në rajon. Pozicionet e punës mund të jenë ato të zbatuesit apo të menaxherit të sitit, asistentë  inxhinierë të  projektit, si dhe asistentë zyrtarë ekzekutiv në firmat e mëdha të ndërtimit.

Disa të tjerë mund të punësohen në sektorët e shitjes së materialeve të ndërtimit apo edhe si inspektorë në nyjat e specializuara për prodhimin e materialeve të ndërtimit. Gjthashtu mund të punësohen edhe tek entet shtetërore të ndërtimit (degët teknike të tyre), sidomos ato që kanë të bëjnë drejtpërdrejtë me zhvillimin dhe monitorimin e hapësirave ndërtimore.

Ata mund t’a gjejnë veten shumë mirë në çdo sektor publik i cili merret me punimet dhe investimet në fushën e ndërtimit.

Të diplomuarit tanë mund të ngrenë biznesin e tyre privat të mirëmbajtjes së godinave të ndryshme të ndërtimit.