Më 28 tetor, studentët e Fakultetit të Biznesit të Universitetit “Aleksandër Moisiu” të Durrësit morën pjesë në një vizitë studimore të organizuar në kuadër të projektit Natura 2000 në zonën e Prespës. Aktiviteti u udhëhoq nga Dr. Brunilda Licaj dhe Dr. Arlind Kasa, të cilët siguruan një përvojë të vlefshme për studentët, duke u njohur ata me rëndësinë e ruajtjes së biodiversitetit dhe menaxhimin e zonave natyrore. Gjatë vizitës, studentët patën mundësinë të shohin nga afër implementimin e projektit Natura 2000 dhe të diskutojnë mbi sfidat dhe mundësitë e zhvillimit të qëndrueshëm në këto zona. Ky aktivitet ofroi mundësi të shkëlqyera për studentët për të lidhur teorinë me praktikën në një fushë kaq të rëndësishme për mjedisin dhe shoqërinë.