Forma inovative dhe fleksibël të të nxënit për zhvillimin tuaj akademik dhe profesional

Universiteti “Aleksandër Moisiu” Durrës (UAMD), si anëtar aktiv i Aleancës Universitare Europiane STARS EU, vijon angazhimin e tij në promovimin e formave inovative dhe fleksibël të studimit. Në kuadër të projektit “Hartimi dhe implementimi i mikrokrediteve si forma inovative të mësimdhënies në UAMD”, të koordinuar nga Prof. Asoc. Dr. Dilina Beshiri, UAMD sjell një qasje bashkëkohore të të nxënit, të orientuar drejt zhvillimit të kompetencave akademike dhe profesionale.

Gjatë muajit Qershor 2026, Fakulteti i Edukimit do të ofrojë dy mikrokredite të dizajnuara për studentët dhe profesionistët që dëshirojnë të zhvillojnë aftësi konkrete dhe të përditësojnë njohuritë e tyre në përputhje me kërkesat e arsimit dhe tregut modern të punës.

Mikrokreditet zhvillohen përmes metodave interaktive, reflektuese dhe praktike, duke kombinuar teorinë me aplikime reale dhe duke krijuar mundësi të personalizuara të të nxënit sipas standardeve europiane.

Pse të zgjidhni Mikrokreditet UAMD?

✓ Formë fleksibël dhe moderne studimi
✓ Kompetenca të orientuara drejt praktikës
✓ Mësimdhënie sipas standardeve europiane
✓ Certifikim nga Universiteti “Aleksandër Moisiu” Durrës
✓ Mundësi zhvillimi akademik dhe profesionalZgjero njohurite. Zhvillo kompetencat. Nderto te ardhmen.

Zgjero njohuritë. Zhvillo kompetencat. Ndërto të ardhmen.

Ky modul ndihmon studentët të kuptojnë dhe menaxhojnë emocionet e tyre, të zhvillojnë vetëdijen emocionale dhe të forcojnë aftësitë e vetë-rregullimit. Përmes aktiviteteve praktike dhe reflektuese, pjesëmarrësit do të mësojnë strategji për motivim, mirëqenie dhe sukses akademik.