Thirrje për shkëmbime të stafit akademik me Universitetin “Aldo Moro” të Barit, Itali

Thirrje për shkëmbime të stafit akademik me Universitetin “Aldo Moro” të Barit, Itali.

Universiteti “Aleksandër Moisiu” Durrës, në kuadër të programit Erasmus+ KA171 dhe projektit Commo VIII i ofron stafit akademik mundësinë për të zhvilluar një javë mësimdhënie/trajnim në Universitetin “Aldo Moro” të Barit, Itali. (https://www.uniba.it/).

Mobiliteti konsiston në mësimdhënie/trajnim për stafin akademik në gjuhën angleze për një javë (5 ditë) në universitetin pritës deri në fund të muajit Qershor 2026.

Numri i kuotave:

·  4 (katër) për staf akademik;

Lloji i  mobilitetit:

·  Mësimdhënie/trajnim;

Fakultetet:

·  Fakulteti i Biznesit;

·  Fakulteti i Edukimit;

Afati i aplikimit: 3 Maj 2026.

Në varësi të numrit dhe cilësisë së aplikimeve, fituesit do të shpallen në bashkëpunim me Universitetin pritës.

Dokumentacioni i nevojshëm për stafin akademik për të aplikuar për mobilitet në Universitetin e Barit, Itali:

–     CV sipas formatit Europass në gjuhën angleze; (max 4 faqe)

–     Dëshmi e njohjes së gjuhës angleze;

–     Kopje e pasaportës;

–     Formulari i Aplikimit (bashkëlidhur).

Kohëzgjatja e qëndrimit duhet të jetë 7 ditë, ku 5 ditë janë ditë pune dhe dy ditë udhëtim.

Për këtë qëndrim pagesa bëhet nga universiteti pritës, në vlerën 160 Euro/dita (ku përfshihet hoteli dhe shpenzimet e qëndrimit), si dhe udhëtimi vajtje-ardhje, deri në 180 euro.

Dokumentat mund të dorëzohen elektronikisht në adresën besianaelezi@uamd.edu.al, cc: arbamerhori@uamd.edu.al ose dorazi pranë Drejtorisë së  Projekteve dhe Marrëdhënieve me Jashtë,  Kati i Katërt, zyra 511, Universiteti “Aleksandër Moisiu” L.1  Rruga Taulantia, Durrës.