Psikologji - Universiteti "Aleksandër Moisiu"

Përshkrimi i Programit:

Programi i studimit te ciklit të parë bachelor në “Psikologji – Sociologji”, pars riorganizimit,
me urdhër nr. 7238/1, Prot. Dt31.08.2018 të MASR pati ndryshime në kurrikulën e tij dhe u
riemërtua Bachelor në “Psikologji”. Qëllimi kryesor i programit është të pregatisë studentë të
aftë për t’iu përgjigjur kërkesave të reja të tregut dhe zhvillimeve ekonomike dhe shoqërore në
vend, duke i pajisur studentët me njohuri të qëndrueshme, që janë themel për njohuri më të
avancuara, që do të marrin në studimet e ciklit të dytë në fushat e psikologjisë e më tej. Ky
program i përgjigjet nevojës për të zhvilluar aftësi në përdorimin e mjeteve teknologjike brenda e
jashtë procesit mësimor.

Përgatitje pedagogjike dhe metodologjike për të maksimalizuar suksesin e studentëve të “Psikologji”.

Shkarko Kurrikulen

Objektivat kryesore te programit:

Të ofrojë njohuri bazë teorike dhe praktike në fushën e psikologjisë.
Të zhvillojë aftësitë analitike dhe kërkimore për studimin e sjelljes njerëzore.
Të përgatisë studentët për ndërveprim profesional në kontekste sociale, arsimore dhe organizative.
Të nxisë respektimin e parimeve etike dhe përgjegjësisë profesionale.
Të krijojë bazën për ndjekjen e studimeve të mëtejshme në nivele më të avancuara.

Pyetje të shpeshta nga maturantët…

Cilat janë kushtet e pranimit në program?

Për të pranuar në program, studentët duhet të kenë diplomë të Maturës shtetërore ose diplomë të shkollës së mesme. Diplomat e fituara jashtë vendit duhet të njihen dhe ekuivalentohen nga Ministria e Arsimit, Sportit dhe Rinisë.

Cilat janë kompetencat e programit?

Në përfundim të programit, studenti do të jetë në gjendje të:

Kuptojë dhe zbatojë teoritë bazë të psikologjisë në analizën e sjelljes njerëzore.
Përdorë metoda kërkimore dhe të analizojë të dhëna psikologjike.
Zhvillojë aftësi komunikimi dhe ndërveprimi në kontekste profesionale.
Respektojë parimet etike dhe standardet profesionale në psikologji.
Punojë në grup dhe të përdorë mendimin kritik për zgjidhjen e problemeve.