Mësuesi në Matematikë – Informatikë - Universiteti "Aleksandër Moisiu"

Përshkrimi i Programit:

Misioni dhe Objektivat kryesore formuese të programit të dytë të studimit “Master
MËSUESI NË MATEMATIKË-INFORMATIKË” janë :

Të përgatisë specialistë me formim më të thelluar profesional në krahasim me DNP.
Të ofrojë njohuri të avancuara teorike dhe praktike në fushën e Mësimdhënies së
Matematikës dhe Informatikës
Të krijojë një mendim të thelluar analitik dhe të pavarur, vlerësim kritik dhe profesional
Të krijojë aftësi për të zgjidhur probleme komplekse dhe një karrierë në nivel më të lartë.
Të shërbejë si bazë edhe për kualifikimin e mëtejshëm akademik.

Përgatitje pedagogjike dhe metodologjike për të maksimalizuar suksesin e studentëve të“Master
MËSUESI NË MATEMATIKË-INFORMATIKË”

Shkarko Kurrikulen

Pse duhet të studioni në këtë program?

Programi i studimeve Master Shkencor “Mësuesi në Matematikë-Informatikë” ka si mision të
formojë specialistë me profil profesional në fushën e mësimdhënies së njohurive bazë të
Matematikës dhe Informatikës, në Profilin “MËSUESI NË MATEMATIKË-INFORMATIKË”.
Gjatë këtij cikli studimesh, studentët do të jenë të aftë të ushtrojnë punën e mësuesit në profilin
“Matematikë-Informatike”, të konsolidojnë njohuritë e tyre profesionale, të thelluara për mësues,
me formim të gjerë pedagogjik, didaktik. Në këtë mënyrë do të jenë të aftë në fushën e
didaktikës, metodave të mësimdhënies, menaxhimin e klasës etj.

Ku mund të punësoheni pas përfundimit të studimeve?

Pyetje të shpeshta nga maturantët…

Çfarë avantazhesh ofron ky program në krahasim me një diplomë Bachelor?

Ky program ofron një formim më të thelluar profesional dhe akademik në krahasim me diplomën Bachelor. Ai siguron:

Njohuri më të avancuara në mësimdhënien e Matematikës dhe Informatikës
Formim të gjerë pedagogjik dhe didaktik për një mësimdhënie efektive
Aftësi për analizë të thelluar dhe për zgjidhjen e problemeve komplekse
Përgatitje për karrierë akademike dhe kualifikime të mëtejshme nëse studentët duan të vazhdojnë studimet doktorale

Çfarë lëndësh do të studiohen gjatë programit Master?

Programi përfshin lëndë të avancuara që mbulojnë:

Metodat dhe Didaktika e Mësimdhënies së Matematikës dhe Informatikës
Psikologjia dhe Pedagogjia e Mësimdhënies
Analizë Matematike e Thelluar dhe Algoritmikë e Avancuar
Menaxhimi i Klasës dhe Përdorimi i Teknologjisë në Mësimdhënie
Praktikë Profesionale në Mësimdhënie, ku studentët ushtrojnë aftësitë e tyre në shkolla

A mund të punësohem pa ndjekur këtë Master, apo është i domosdoshëm për një karrierë si mësues?

Për të punuar si mësues në arsimin e mesëm, një diplomë Master është e nevojshme.
Me vetëm një Bachelor, mund të punësoheni në disa shkolla private ose në pozicione të tjera në fushën e Informatikës.
Ky Master ju jep një avantazh të madh në tregun e punës dhe ju përgatit më mirë për provimet e kualifikimit dhe për karrierën arsimore.

Cilat janë mundësitë e punësimit pas përfundimit të programit?

Pas diplomimit, studentët mund të punësohen në:

Shkolla 9-vjeçare dhe të mesme si mësues të Matematikës dhe Informatikës
Institucione të administratës arsimore, si drejtori shkollash apo këshilltarë pedagogjikë
Sektorë të edukimit dhe trajnimit profesional
Institucione kërkimore ose universitare për ata që duan të vazhdojnë më tej me studime doktorale

A ka mundësi për studime të mëtejshme ose zhvillim profesional pas përfundimit të këtij Masteri?

Po! Ky program mund të shërbejë si bazë për:

Studime doktorale në fushën e arsimit, Matematikës ose Informatikës
Trajnime dhe certifikime profesionale për të përmirësuar aftësitë në mësimdhënie dhe përdorimin e teknologjisë në arsim
Zhvillim të mëtejshëm në fushën e kërkimit shkencor, duke marrë pjesë në projekte edukative dhe teknologjike