MASTER SHKENCOR NË “MËSUESI NË  MATEMATIKË  –  INFORMATIKË”

Përshkrimi i Programit:

Misioni dhe Objektivat kryesore formuese të programit të dytë të studimit “Master MËSUESI NË MATEMATIKË-INFORMATIKË” janë :

• Të përgatisë specialistë me formim më të thelluar profesional në krahasim me DNP.
• Të ofrojë njohuri të avancuara teorike dhe praktike në fushën e Mësimdhënies së Matematikës dhe Informatikës
• Të krijojë një mendim të thelluar analitik dhe të pavarur, vlerësim kritik dhe profesional
• Të krijojë aftësi për të zgjidhur probleme komplekse dhe një karrierë në nivel më të lartë.
• Të shërbejë si bazë edhe për kualifikimin e mëtejshëm akademik.

Pse duhet të studioni në këtë program?

Programi i studimeve Master Shkencor “Mësuesi në Matematikë-Informatikë” ka si mision të formojë specialistë  me profil profesional në fushën e mësimdhënies së njohurive bazë të Matematikës dhe Informatikës, në Profilin “MËSUESI NË MATEMATIKË-INFORMATIKË”.

Gjatë këtij cikli studimesh, studentët do të jenë të aftë të ushtrojnë punën e mësuesit në profilin “Matematikë-Informatike”, të konsolidojnë njohuritë e tyre profesionale, të thelluara për mësues, me formim të gjerë pedagogjik, didaktik. Në këtë mënyrë do të jenë të aftë në fushën e didaktikës, metodave të mësimdhënies, menaxhimin e klasës etj.

Ku mund të punësoheni pas përfundimit të studimeve?

Sektorët e punësimit do të jenë kryesisht në fushën e mësuesisë, arsimi i mesëm (të përgjithshëm dhe profesional) dhe 9-vjecar, studentët do të formohen me kulturën e gjerë pedagogjike dhe didaktike, në nivel teorik dhe aplikativ.

Mësuesit do të përgatiten edhe për rolin edukativ të tyre, për forcimin e karakterit edukativ të shkollës. Mundësitë në Karrierë: zotëruesi i kësaj diplome mund të punësohet në: sistemin arsimor para Universitar (të përgjithshëm dhe profesional). Cikli i dytë i arsimit bazë,  institucione të administratës qendrore e vendore, etj.etj.