MASTER SHKENCOR “MËSUES PËR CIKLIN E MESËM TË ULËT PËR GJUHËN SHQIPE, LETËRSISNË DHE GJUHËN ANGLEZE”

Përshkrimi i Programit:

Programi i studimit Master Shkencor “Mësues për ciklin e mesëm të ulët për Gjuhën shqipe, Letërsinë dhe Gjuhën angleze”, vjen si nevojë e formimit të specialistëve që janë njohës së thelluar të të tri disiplinave. Qëllimi i këtij programi është që të përgatisë studiues, kërkues shkencorë, mësues, të cilët i përgjigjen nevojave aktuale të tregut të punës, brenda ose jashtë vendit.

Përparësitë e këtij programi janë si më poshtë:

• Në një kontekst të ri të sistemit parauniversitar në Shqipëri, ku janë hapur filiale të institucioneve të rëndësishme në fushën e edukimit, njohja e thelluar e gjuhës angleze për studentët e apasionuar pas gjuhës e letërsisë, përbën një mundësi të shkëlqyer punësimi.
• Studentët e programit “Mësues për ciklin e mesëm të ulët për Gjuhën shqipe, Letërsinë dhe Gjuhën angleze” aplikojnë e dalin fitues në programe shkëmbimi, ERASMUS +, për shkak të njohurive të plota në të tri disiplinat.
• Studentët e këtij programi, mund të vazhdojnë thellimin e njohurive në programet e ciklit të tretë të studimit, për t’u bërë studiues e kërkues shkencorë në fushën e gjuhës dhe letërsisë.
• Studentët e programit Master Shkencor “Mësues për ciklin e mesëm të ulët për Gjuhën shqipe, Letërsisnë dhe Gjuhën angleze” përfitojnë oferta punësimi, jo vetëm brenda vendit, por edhe jashtë tij.

Pyetje të shpeshta nga maturantët…