MP. Guida Turistike Shqiptare

Përshkrimi i Programit:

Programi Master Profesional “Guidë Turistike Shqiptare” u hap në vitin 2018 nga Departamenti i Turizmit, pjesë e Fakultetit të Biznesit në Universitetin “Aleksandër Moisiu” Durrës (UAMD). Programi është me kohë të plotë, zgjat 1 vit akademik dhe ofron 60 kredite ECTS. Gjuha e mësimdhënies është shqipe dhe studimet zhvillohen me prani fizike gjatë leksioneve dhe seminareve.

Në bazë të ligjeve Nr. 10 247, datë 4.3.2010 dhe Nr. 23/2018 “Për Kornizën Shqiptare të Kualifikimeve”, ky program përfshihet në niveli 7 të Kornizës Shqiptare të Kualifikimeve (KNK).

Profili i Studentit dhe Kompetencat

Në përfundim të programit:

• • Studentët do të jenë ekspertë dhe specialistë të mirëfilltë në fushën e udhërrëfyesve turistikë, me aftësi për të interpretuar vlerat e trashëgimisë natyrore dhe kulturore të Shqipërisë.
  • Ata do të zhvillojnë kompetenca për realizimin e objektivave të politikave të mirëmenaxhimit dhe qëndrueshmërisë së territorit, duke krijuar produkte turistike të marketueshme dhe të qëndrueshme në kohë.
  • Studentët do të jenë të aftë për të zgjidhur probleme në kontekste shumëdisiplinore dhe për të zhvilluar ide origjinale në fushën e turizmit.

Pse duhet të studioni në këtë program?

Programi ofron një kombinim të njohurive teorike dhe aftësive praktike, duke përgatitur studentët për të udhëhequr grupe turistësh, për të interpretuar trashëgiminë kulturore dhe natyrore dhe për të krijuar ture unike në përputhje me kërkesat e tregut turistik.

Objektivat kryesore të programit:

Masteri Profesional në Guidë Turistike Shqiptare synon:

1. Thellimin dhe zhvillimin e njohurive, si dhe aftësive praktike e profesionale në fushën e guidave turistike.
2. Njohjen me burimet natyrore, kulturore dhe arkeologjike, duke i kombinuar me njohuri menaxheriale dhe marketuese të destinacioneve turistike.
3. Formimin e specialistëve të udhërrëfyesve të specializuar turistikë në territorin shqiptar.
4. Pajisjen e studentëve me terminologjinë dhe aftësitë e domosdoshme për tregun turistik, përfshirë njohuritë praktike në gjuhë të huaj.
5. Përgatitjen e studentëve për të analizuar turizmin si një proces integrues hapësinor, në kontekstin e mobilitetit bashkëkohor.

Ku mund të punësoheni pas përfundimit të studimeve?

Programi rrit mundësitë për karrierë profesionale në sektorin e turizmit, duke përgatitur studentët për pozicione si:

• Guidë turistike profesionale pranë agjencive turistike të sektorit privat.
• Punonjës në Agjencinë Kombëtare të Turizmit (AKT) dhe Shoqatën Shqiptare të Turizmit (ATA).
• Guidë profesionale pranë Drejtorive Rajonale të Kulturës Kombëtare (DRKK).
• Menaxherë turi në kompani private dhe institucione turistike.
• Guidë në parqe natyrore, arkeologjike dhe destinacione historike.
• Udhërrëfyes në qendra të informacionit turistik.