Fakulteti i Biznesit i Universitetit “Aleksandër Moisiu” i Durrësit do të organizojë gjatë muajve të ardhshëm vizita mësimore dhe leksione të hapura, të cilat do t’u ofrojnë studentëve mundësinë të thellojnë njohuritë e tyre në fusha të ndryshme, si dhe të zhvillojnë aftësi praktike. Aktivitetet do të mbikëqyren nga Dr. Majlinda Muka dhe përfshijnë vizita edukative në institucione të ndryshme, si dhe leksione të hapura që do t’i ndihmojnë studentët të lidhen më afër me praktikën dhe profesionistët e fushave përkatëse. Ky angazhim synon të forcojë lidhjet mes teorisë dhe praktikës, duke mundësuar përgatitjen më të mirë të studentëve për tregun e punës dhe zhvillimin e aftësive të nevojshme për karrierën e tyre.