Emetimi i CO2 nga operatorët portualë dhe impakti i tij në kompleksin portual Durrës – Porto Romano

Në datë 20 Shkurt 2026 në ambjentet e Autoritetit Portual Durrës u zhvillua takimi përmbyllës mbi propozimin e masave mitiguese të emetimit të gazit CO₂ në atmosferë në kuadër të projektit “Emetimi i CO₂ nga operatorët portualë dhe impakti i tij në kompleksin portual Durrës – Porto Romano” fituar nga AKKSHI në bashkëpunim me Biznesin (Autoriteti Portual Durrës). Ky takim u zhvillua sipas agjendës nga ora 09:30 – 14:00. Në takim morën pjesë Drejtori i Bashkëpunimit Ndërkombëtar & CEMA pranë APD, Znj. Serena Kovaçi, stafi akademik i UAMD, dhe grupi i punës së APD.

Në këtë takim përmbyllës:

u prezantua ecuria dhe gjetjet shkencore të projektit;
u prezantuan propozimet e masave mitiguese të emetimit të CO₂ në kompleksin portual Durrës-Porto Romano;
u prezantuan publikimet shkencore (një pjesëmarrje në konferecë ndërkombëtare me proccedings dhe një botim në revistë shkencore me faktor impakti)
u diskutua mbi arritjet e projektit, impakti që do të ketë ky projekt, marrja e masave të nevojshme për ulejn e emetimeve të CO₂ në mjedisin portual dhe afër tij.
u ra dakord që brenda afateve të përcaktuara, të përmbyllen me sukses të gjitha detyrimet që kanë palët për të përfunduar projektin dhe dorëzimin e tij pranë AKKSHI

Znj. Kovaci falenderoi grupin e punës të UAMD dhe APD për përmbushjen me sukses të këtij projekti dhe mori përsipër që rezultatet e tij do të jenë pjesë e databazës së APD dhe do tu prezantohen autoriteteve më të larta në mënyrë që këto propozime të dala nga ky projekt të reflektohen dhe të merren masa për të ulur emetimin e CO₂ në kompleksin portual Durrës-Porto Romano, duke synuar emetimin zero të karbonit.