Asistencë Dentare - Universiteti "Aleksandër Moisiu"

Përshkrimi i Programit:

Kohëzgjatja: 2 vite (120 kredite)
Diploma: Program profesioal në Asistencë Dentare

Programi i Studimit 2-vjeçar në “Asistencë Dentare” ka për qëllim të përgatisë profesionistë me një formim të gjerë teorik dhe praktik në fushën e asistencës dentare, të cilët do të jenë të aftë të kontribuojnë në mënyrë efektive në përmirësimin e cilësisë së shërbimeve dentare në klinika private dhe publike. Ky program synon të zhvillojë aftësitë e studentëve për të asistuar mjekët stomatologë në të gjitha procedurat dentare, duke përfshirë ato klinike dhe administrative.

Një nga qëllimet kryesore është ofrimi i një përgatitjeje praktike të avancuar, ku studentët marrin pjesë aktive në procedurat klinike nëpërmjet dentistrisë me katër duar, duke krijuar një bazë të fortë për t’u angazhuar në proçese të ndryshme si dezinfektimi, sterilizimi, dhe mbajtja e standardeve të asepsisë. Programi gjithashtu synon të zhvillojë aftësitë e tyre për menaxhimin e dokumentacionit dhe kartelave dentare, si dhe për ruajtjen e konfidencialitetit të pacientëve.

Bashkohu me studentët tanë dhe bëhu pjesë e jetës akademike aktive, përvojave ndërkombëtare të shkëmbimeve studentore dhe kontakteve me tregun e punës gjatë viteve të studimit.
Zgjidh UAMD-në për të pasur qasje në të gjitha mundësitë dhe lehtësitë që ofrohen për studentët.

Shkarko Kurrikulen

Objektivat Kryesore të Programit të “Asistencë Dentare” :

Aftësimi i Specialistëve: Të përgatisë profesionistë të kualifikuar për asistencë dentare, të aftë për të punuar në klinika dentare private dhe publike.
Përvojë Praktike: Ofrimi i mundësive për praktikë në procedurat klinike dentare dhe në përdorimin e metodave të dentistrisë me katër duar.
Aftësi Komunikuese dhe Menaxheriale: Të pajisë studentët me aftësitë për të komunikuar dhe menaxhuar situata në klinikat dentare, si dhe për të trajtuar me profesionalizëm dhe ndjeshmëri pacientët.
Puna në Grup: Të zhvillojë aftësitë e studentëve për të punuar në ekip dhe për të reaguar në situata emergjente.
Ruajtja e Asepsisë dhe Sterilizimit: Trajnimi i studentëve për të mbajtur dhe ruajtur standardet e larta të asepsisë dhe sterilizimit në klinika dentare.
Ruajtja e Dokumentacionit: Mësimi i teknologjive dhe praktikave për ruajtjen dhe menaxhimin e kartelave dentare, duke respektuar konfidencialitetin e pacientit.
Menaxhimi i Pacientit: Përgatitja e studentëve për të qetësuar dhe relaksuar pacientët gjatë procedurave dentare dhe për të ruajtur fushën e operacionit gjatë trajtimit.

Pyetje të shpeshta nga maturantët…

Çfarë mundësish punësimi ofron ky program pas përfundimit?

Pas përfundimit të programit, studentët do të jenë të aftë të punojnë në klinika dentare private dhe publike, duke asistuar mjekët stomatologë në procedura të ndryshme klinike dhe duke siguruar cilësi të lartë të shërbimeve dentare për pacientët.

Çfarë përmban programi praktik?

Praktika profesionale është një pjesë thelbësore e programit, ku studentët marrin pjesë në asistimin e mjekëve stomatologë në procedurat klinike dentare. Praktika përfshin përdorimin e metodave të dentistrisë me katër duar, ku studentët përfshihen në trajtimin e pacientëve në një klinikë dentare nën mbikëqyrjen e mjekëve dhe mentorëve. Ata zhvillojnë aftësitë e tyre për të asistuar në proçedura klinike, për të ruajtur fushën e operimit sterile, dhe për të menaxhuar pajisjet dentare në mënyrë të sigurt.

A ka mundësi për vazhdim të studimeve pas këtij programi?

Programi 2-vjeçar në “Asistencë Dentare” është një diplomë profesionale që përgatit studentët për tregun e punës si asistentë dentarë, por nuk është një diplomë akademike që të ofrojë mundësinë për të vazhduar studimet e nivelit Master.

Si ndihmon programi për t'u përgatitur për tregun e punës?

Programi përqendrohet në përgatitjen e studentëve me aftësi të avancuara praktike dhe teorike që i bëjnë ata të aftë për të punuar në klinika dentare. Duke përfshirë praktika klinike të gjera, aftësi komunikuese dhe menaxheriale, si dhe trajnime mbi sterilizimin dhe asepsinë, studentët dalin të përgatitur për të punuar në klinika private dhe publike, duke ofruar shërbime të kujdesit shëndetësor të cilësisë së lartë.