Logjistikë dhe Siguri Detare

Përshkrimi i Programit:

Masteri Profesional në LOGJISTIKË DHE SIGURI DETARE u ofron studentëve mundësinë që të thellojnë dhe zhvillojnë dijet si dhe aftësitë e tyre profesionale në fushën e menaxhimit portual dhe të sigurisë së mjeteve detare e porteve, të menduarit dhe analizuarit kritik për të kuptuar sfidat në situata të ndryshme.

Njëkohësisht në përfundim të këtij masteri studenti pajiset me njohuritë e nevojshme për të zbatuar në mënyrë efektive aftësitë teknike dhe menaxheriale në fushën e transportit detar.

Kompetencat e përfituara do t’i mundësojnë studenteve të jenë të aftë të përballojnë sfidat që karakterizojnë fushën e navigimit, të logjistikës dhe të sigurisë detare.

Njohuritë dhe kompetencat që karakterizojnë profilin

Cikli i Dytë i Studimeve, Master Profesional në LOGJISTIKË DHE SIGURI DETARE ofron një drejtim të rëndësishëm për të cilin ka shumë nevojë për specialistë e analistë të aftë në fushën e ofrimit të ekspertizës në vlerësimin e indikatorëve teknike e menaxherialë në funksion të rritjes së sigurisë navigacionale dhe cilësisë së menaxhimit detar.

Kuadri formues për këtë specialitet synon të ofrojë njohuri dhe kompetenca në realizimin e objektivave të politikave të sigurisë, por gjithnjë të orientuara nga aftësitë teknike si dhe në aftësitë menaxheriale të specialistëve detarë.

Mundësitë për punësim

• Të diplomuarit në këtë profil do të mund të punësohen në sektorët e lundrimit detar si dhe në sektorët e menaxhimit portual, transportit, sigurisë portuale dhe shërbimet detare.
• Gjithashtu të diplomuarit mund të shërbejnë edhe si konsulentë, ekspertë e analistë të fushave detare në institucionet publike, organizata kombëtare dhe projekte të ndryshme sociale.
• Referuar lëndëve që ndjek studenti në këtë program studimi ndihmohet të pajiset me njohuri që e ndihmojnë në të mënuarit kritik dhe analitik në zgjidhjen e disa problemeve lidhur me sigurinë në shërbimet e transportit detar si dhe të menaxhimit portual e të mjeteve detare.

Programi i studimeve  Master Profesional në LOGJISTIKË DHE SIGURI DETARE

synon të formojë specialistë  me profil profesional në fushën e sigurisë dhe të logjistikës detare.

Mundësitë për punësim

Të diplomuarit në këtë profil punësohen në të gjithë sektorët e industrisë detare:

• në sektorët e lundrimit detar,
• në sektorët e menaxhimit portual,
• në sektorët e transportit detar,
• në sektorët e sigurisë portuale,
• në sektorët e shërbimet detare,
• mund të shërbejnë edhe si konsulentë, ekspertë e analistë të fushave detare në institucionet publike, organizata e ente kombëtare dhe projekte të ndryshme.