MP. Drejtimi i SME-ve

Përshkrimi i Programit:

Programi i studimit Master Profesional në “Drejtimi i SME-ve” është i projektuar për të diplomuarit, së paku në Ciklin e I-rë, Bachelor, të interesuar në përftimin e njohurive profesionale, të specializuara, në fushën e menaxhimit të biznesit. Ndër rezultatet kryesore formuese të këtij programi përmendim ofrimin e njohurive të nevojshme për menaxhimin e SME-ve në mënyrë të tillë, që të arrihen objektivat organizative, përmes vlerësimit të treguesve bazë të menaxhimit dhe implementimit të përgjigjeve të duhura në bazë të vlerësimit të tyre. Programi synon të pajisë me njohuritë e duhura dhe të nxisë studentët të themelojnë bizneset e tyre e të zbatojnë me sukses strategjitë e rritjes për SME-të, si edhe të stimulojë qëndrimin pozitiv dhe prirjen e vazhdueshme ndaj inovacionit. Kjo besojmë do të gjenerojë ato njohuri menaxheriale, që janë të nevojshme për njohjen e situatave kritike, identifikimin, zbatimin dhe vlerësimin e masave korrigjuese për rimëkëmbjen e SME-ve. Së fundmi, synohet të sigurohet një integrim i mirë i njohurive teorike me realitetin organizativ përmes diskutimit dhe analizës së studimeve të rastit.

Të diplomuarve u ofrohen mundësi të mëtejshme studimi në programet e studimit: Master Shkencor pranë Departamentit të Menaxhimit, në Programin “Menaxhim Biznesi”, në masterat     shkencor të departamenteve të tjerë të Fakultetit të Biznesit, dhe UAMD në tërësi, si dhe në  programe të ngjashëm brenda dhe jashtë vendit. Të diplomuarit mund të punësohen në sektorin privat dhe atë publik, OJF, OJQ, etj.

Veprimtaritë formuese të Programit të studimit Master Profesional në “Drejtimi i SME-ve” artikulohen në një (1) vit akademik (2 semestra), për një total prej 60 kreditesh, si vijon:

1. A / Lëndë Bazë – Përgatitje metodologjike dhe kulturë e përgjithshme – 5 kredite;

2. B / Lëndë Karakterizuese – Përgatitje për disiplinën shkencore – 21 kredite;

3. C / Lëndë Ndërdisiplinore / Integruese – Nëndisiplina, profile dhe grup lëndë me   zgjedhje – 18 kredite;

4. D / Lëndë Plotësuese – praktika profesionale – 6 kredite;

5. E / Detyrime Përmbyllëse / Mikroteza – 10 kredite.

Struktura e Programit

Programi përbëhet nga pesë kategori lëndësh dhe përfshin:

1. 1. Lëndë Bazë (5 kredite): Përgatitje metodologjike dhe kulturë e përgjithshme.
   2. Lëndë Karakterizuese (21 kredite): Përgatitje për disiplinën shkencore në fushën e SME-ve.
   3. Lëndë Ndërdisiplinore/Integruese (18 kredite): Disiplina të tjera të ngjashme, profile dhe lëndë me zgjedhje.
   4. Lëndë Plotësuese (6 kredite): Praktika profesionale.
   5. Detyrime Përmbyllëse (10 kredite): Mikroteza dhe projekt përfundimtar.

Pse duhet të studioni në këtë program?

• Aftësi të Avancuara Menaxheriale: Pajis studentët me aftësi për menaxhimin dhe zhvillimin e SME-ve.
• Qasje Inovative: Programi përqendrohet në nxitjen e inovacionit dhe ndihmën për të themeluar bizneset e reja.
• Praktikë Profesionale: Përfshin elemente praktike për të ndihmuar integrimin e studentëve në tregun e punës.

Objektivat kryesore të programit:

• Menaxhimi i SME-ve: Përgatit studentët me njohuri për të menaxhuar SME-të, duke i ndihmuar të arrijnë objektivat organizative përmes vlerësimit të treguesve të menaxhimit dhe implementimit të strategjive efektive.
• Zhvillimi i Bizneseve dhe Inovacionit: Pajis studentët me aftësi për të themeluar biznese të reja, për të zbatuar strategji rritjeje dhe për të nxitur një qasje pozitive ndaj inovacionit.
• Identifikimi dhe Zgjidhja e Problemeve: Përqendrohet në zhvillimin e aftësive për të njohur situatat kritike në SME, për të identifikuar, zbatuar dhe vlerësuar masat korrigjuese të rimëkëmbjes.
• Integrim i Njohurive Teorike dhe Praktike: Përfshin analizë të rasteve dhe diskutime për të integruar njohuritë teorike me situatat reale të organizatave.

Ku mund të punësoheni pas përfundimit të studimeve?

• Karriera: Të diplomuarit mund të punojnë në sektorin privat dhe publik, organizata joqeveritare (OJF/OJQ) dhe agjenci të tjera.
• Studime të Mëtejshme: Programi hap mundësi për vazhdim studimesh në Master Shkencor në “Menaxhim Biznesi” ose programe të ngjashme brenda dhe jashtë vendit.