Administrim Biznes

Përshkrimi i Programit:

Programi i studimit Bachelor në Administrim Biznes

Programi i studimit Bachelor në “Administrim Biznes” synon paisjen e studentëve me njohuritë bazë mbi metoda e parime shkencore të përgjithshme, dhe formimin e shprehive të veçanta në fushën e menaxhimit. Qëllimi kryesor është të aftësojë studentët nga ana teorike dhe praktike në fushën e administrimit të një biznesi. Ky program studimi është projektuar të zhvillojë aftësitë praktike dhe teknike, si nga ana personale dhe ajo profesionale, duke nxitur kështu vetëbesimin e profesionistëve të ardhshëm. Përmes tij synohet rritja e aftësive komunikuese dhe të drejtimit të sipërmarrjeve drejt suksesit. Programi promovon ndërveprimin analitik e kreativ mes teorisë, hulumtimit dhe praktikës. Ndër objektivat e tij, nisur nga epoka digjitale kur zhvillohet, zë një vend të veçantë aftësimi i studentëve në njohjen, trajtimin dhe interpretimin e sistemeve të informacionit të drejtimit, menaxherial dhe financiar, si edhe analizimi i aktiviteteve të biznesit dhe kryerjen e parashikimeve menaxheriale, në kontekste të ndryshëm të planifikimit, vendimmarrjes e kontrollit organizativ. Së fundmi, por jo nga rëndësia, programi synon zhvillimin e aftësive dhe zotësive për t’u përballur me sukses me risqet menaxheriale.

Në përfundim të këtij programi, të diplomuarve u ofrohen mundësi të mëtejshme studimi në programet e studimit: Master Profesional e Shkencor në “Menaxhim Biznesi”, apo Master Profesional në “Drejtimi i SME-ve”, pranë departamentit, Fakultetit të Biznesit ose sivëllezërve  të këtyre programeve, brenda dhe jashtë vendit. Të diplomuarit mund të punësohen në sektorin privat dhe atë publik, OJF, OJQ, etj.

Veprimtaritë formuese të Programit të studimit Bachelor në “Administrim Biznes” artikulohen në tre (3) vite akademike (6 semestra), për një total prej 180 kreditesh, si vijon:

1. A / Disiplina të formimit të përgjithshëm bazë – 36 kredite;

2. B / Disiplina të formimit karakterizues të programit – 90 kredite;

3. C / Disiplina formuese të ngjashme dhe/ose integruese me disiplinat karakterizuese – 28 kredite;

4. D / Disiplina formuese të zgjedhura nga studentët dhe Praktike Dëgjimore &Aktive – 20 kredite;

5. E / Përgatitje e tezës së diplomës – 6 kredite.

Pse duhet të studioni në këtë program?

Qëllimi kryesor i programit Bachelor në Administrim Biznes është t’u ofrojë studentëve njohuri teorike dhe aftësi praktike në fushën e administrimit. Ky program është i dizajnuar për të:

• Zhvilluar aftësi praktike dhe teknike: Ndërton aftësi personale dhe profesionale, duke nxitur vetëbesimin e profesionistëve të ardhshëm.
• Përmirësuar aftësitë komunikuese dhe drejtimin: Përgatit studentët për të udhëhequr me sukses ndërmarrjet.
• Promovuar ndërveprimin analitik dhe kreativ: Nxit mendimin kritik dhe kreativ në lidhje me teorinë, hulumtimin dhe praktikën.
• Forcuar njohuritë menaxheriale dhe financiare: Trajnon studentët për të njohur, interpretuar dhe menaxhuar sistemet e informacionit menaxherial dhe financiar.
• Analizuar dhe parashikuar aktivitetet e biznesit: Përgatit studentët për të kryer analiza biznesi dhe parashikime menaxheriale në planifikim, vendimmarrje dhe kontroll organizativ.
• Përballuar dhe parashikuar risqet: Zhvillon aftësinë për të adresuar dhe minimizuar risqet menaxheriale.

Pyetje të shpeshta nga maturantët…