"Surgical Nursing"

Përshkrimi i Programit:

Kohëzgjatja: 1 vite (60 kredite)
Diploma: Master Profesional në "Surgical Nursing"

Programi i studimit “Infermieri Kirurgjikale”, i hapur për herë të parë në vitin akademik 2013-
2014, dhe i riorganizuar në vitin akademik 2020-2021 sipas akteve ligjore dhe nënligjore në fuqi,
është pjesë e programeve të studimeve Master pranë Departamentit të Shkencave Teknike
Mjekësore në Fakultetin e Studimeve Profesionale. Masteri Profesional “Infermieri Kirurgjikale”
është program me 60 kredite që ofrohet me kohë të plotë dhe përbëhet nga 5 lëndë të ndara në
module (14 module). Masteri ofrohet për profesionistët që zotërojnë një diplomë 3 vjecare në
degët “Infermieri e Përgjithshme” dhe/ose “Mami”.

Programi i studimit Master Profesional në Infermieri Kirurgjikale jepet në një format të përzier
(kombinim i lëndëve (të ndara në module) dhe praktikat klinike). Zhvillimi i lëndëve ofrohet në
fundjavë në mënyrë intensive dhe studentët u kërkohet të ndjekin leksionet në një kohë të
shkurtër dhe të kryejnë praktikat në repartet kirurgjikale për periudha më të gjata (praktika të
organizuara në grupe të vogla sipas një grafiku që ofrohet nga departamenti). Ky format i
përshtatet shumë studentëve që pa dyshim kanë vështirësi të lirohen nga praktika klinike për të
ndjekur leksionet.

Objektivat Kryesore të Programit:

• Pregatitjen e sallës operatore dhe tavolinës operatore,
• Sterilizimin dhe dezinfektimin e instrumentave kirurgjikale,
• Do të njihen me disa nga instrumentat kirurgjikalë,
• Pregatitjen pre-, intra- dhe post-operatore të pacientit,
• Dhënien e ndihmës së parë në vendin e ngjarjes dhe në spital,
• Zbatimin e terapive specifike sipas urdhërit të mjekut,
• Komunikimin brenda etikës profesionale me familjarët, me pacientin,
• Shfrytëzimin e literaturës më të fundit,
• Përdorimin dhe vendosjen e tubit nazo-gastrik,
• Përdorimin e aspiratorit, oksigjeno-terapinë,
• Dhënien e likideve sipas përshkrimit të mjekut specialist,
• Realizimin e transfuzionit të gjakut izo-grup izo-rhezus dhe të plazmës,
• Gjetjen e venave periferike,
• Kontrollimin e drenazheve dhe temperaturës,
• Pastrimin dhe mjekimin e plagëve post-operatore dhe ato traumatike,
• Metodat për të ndaluar hemoragjinë e jashtme
• Dhënien e ndihmës së parë në gjendjet e shock-ut,
• Njohjen me proçedurat kirurjgikale gastro-intestinale, kardio-vaskulare, pediatrike, në
  problemet dhe kujdesin infermieror në traumat.

Pas përfundimit të studimeve…

Në përfundim të Masterit Profesional studentët do të pajisen me diploma pasuniversitare dhe do
të jenë të aftë të ofrojë shërbim mjekësor gjatë procedurave rutinë dhe të vështira kirurgjikale.
Infermierët kirurgjikalë zakonisht gjënden rreth tavolinave operatore duke ndihmuar kirurgët me
procedurën kirurgjikale si në spitalet publike ashtu dhe në ato private.