Universiteti “Aleksandër Moisiu” Durrës (UAMD) ofron mundësi të gjera mobiliteti për studentët, stafin akademik dhe administrativ përmes programeve evropiane dhe marrëveshjeve bilaterale. Këto iniciativa synojnë rritjen e cilësisë së arsimit, ndërkombëtarizimin e kurrikulave dhe forcimin e bashkëpunimit me institucione të arsimit të lartë në mbarë Evropën.
Instrumentet kryesore të shkëmbimit
Erasmus+
Programi Erasmus+ përbën instrumentin kryesor të mobilitetit ndërkombëtar në UAMD. Mobiliteti realizohet mbi bazën e marrëveshjeve bilaterale të nënshkruara me universitete partnere në vendet e Bashkimit Europian dhe më gjerë.
Ai mundëson:
- Shkëmbime afatshkurtra dhe afatmesme për studentë (studime dhe praktika profesionale);
- Mobilitet për staf akademik he administrative (mësimdhënie dhe trajnim);
- Njohje akademike të krediteve (ECTS);
- Mbështetje financiare për kostot e udhëtimit dhe qëndrimit.
CEEPUS
CEEPUS (Central European Exchange Program for University Studies) është një program rajonal që mbështet:
- Shkëmbime studentore brenda rrjeteve akademike tematike;
- Mobilitet të stafit akademik për ligjërata dhe kërkim shkencor;
- Bashkëpunim të strukturuar ndërmjet universiteteve të Europës Qendrore dhe Juglindore.
Ky instrument është veçanërisht i përshtatshëm për mobilitete kërkimore dhe zhvillim akademik të avancuar.
Marrëveshje bilaterale
Përveç programeve të financuara nga BE, UAMD ka nënshkruar një sërë marrëveshjesh bilaterale me universitete partnere ndërkombëtare, të cilat mundësojnë:
- Shkëmbime studentësh;
- Mobilitet të stafit akademik për mësimdhënie, kërkim dhe aktivitete të përbashkëta;
- Zhvillim të programeve të përbashkëta, shkolla verore dhe bashkëpunime kërkimore;
Kushtet e mobilitetit përcaktohen rast pas rasti, në përputhje me marrëveshjen përkatëse.
Programe të tjera ndërkombëtare dhe rajonale mobilitete të lidhura me projekte (CBHE, IPA, Horizon Europe, etj.)
Në varësi të thirrjeve të hapura dhe projekteve aktive, UAMD merr pjesë edhe në:
- Projekte të financuara nga BE për ndërtimin e kapaciteteve (CBHE) apo tjetër;
- Shkëmbime të lidhura me projekte kërkimore dhe inovacioni.
Kush mund të përfitojë?
- Studentë të ciklit Bachelor, Master dhe Doktoraturë;
- Staf akademik (pedagogë, kërkues shkencorë);
- Staf administrativ i përfshirë në menaxhim universitar dhe marrëdhënie ndërkombëtare.
Përfitimet Kryesore
- Përvojë ndërkombëtare akademike dhe kulturore;
- Njohje e krediteve dhe përmirësim i CV-së;
- Rritje e cilësisë së mësimdhënies dhe kërkimit shkencor;
- Forcim i partneriteteve strategjike të UAMD.
Informacion dhe Aplikim
Thirrjet për mobilitet publikohen rregullisht në faqen zyrtare të UAMD dhe në kanalet zyrtare të Drejtorisë së Projekteve dhe Marrëdhënieve Ndërkombëtare. Kandidatët e interesuar inkurajohen të konsultojnë kushtet specifike të çdo programi dhe të aplikojnë brenda afateve të përcaktuara.
English 
Albanian