Në një njoftim të fundit, Agjencia Kombëtare e Financimit të Arsimit të Lartë (AKFAL) ka shpallur hapjen e aplikimeve për Kredi studentore për vitin akademik aktual. Kjo iniciativë synon të mbështesë financiarisht studentët shqiptarë në përballimin e kostove të studimeve të tyre.
Çfarë përfshin nje Kredi Studentore?
Kredia studentore mbulon:
- Tarifën e studimeve: Shuma që paguhet për ndjekjen e programeve akademike.
- Kostot e jetesës: Shpenzimet ditore të studentit, të cilat përllogariten deri në kufirin e pagës minimale në shkallë vendi, sipas vendimit më të fundit të Këshillit të Ministrave.
Kush mund të aplikojë p,isr Kredi?
Për të qenë i kualifikuar për këtë kredi, aplikanti duhet të plotësojë këto kritere:
- Shtetësi dhe vendbanim në Shqipëri.
- Regjistrim në një institucion të arsimit të lartë në vend.
Si të aplikoni?
Aplikimet janë të hapura gjatë muajit Shkurt dhe mund të bëhen përmes portalit qeveritar e-Albania, duke ndjekur këto hapa:
- Hyni në llogarinë tuaj në e-Albania.
- Kërkoni shërbimin “Aplikim për Kredi Studentore”.
- Plotësoni formularin elektronik të aplikimit.
- Ngarkoni dokumentet e nevojshme, të cilat përfshijnë:
- Vërtetim që jeni regjistruar dhe studioni në një institucion të arsimit të lartë (dokument origjinal).
- Vërtetim notash dhe dëftesë pjekurie. Për studentët e vitit të parë, duhet të ngarkohet dëftesa e pjekurisë me listën e notave.
- Vërtetim nga institucioni arsimor publik që konfirmon se nuk jeni përfitues i mbështetjes financiare, bursave ose përjashtimit nga tarifa e studimit.
- Vërtetim banimi.
Kriteret e përzgjedhjes
Aplikimet do të vlerësohen bazuar në:
- Vlerën e kredisë së kërkuar.
- Llojin e programit të studimit ku është regjistruar studenti.
- Rezultatet akademike të studentit aplikues.
Për më shumë informacion dhe për të lexuar njoftimin e plotë, vizitoni faqen zyrtare të AKFAL:
Mos e humbisni këtë mundësi për të siguruar mbështetje financiare gjatë studimeve tuaja universitare. Aplikoni tani dhe përfitoni nga skema e kreditimit studentor për të lehtësuar barrën financiare dhe për t’u fokusuar në arritjet tuaja akademike.
English 
Albanian