E DREJTË PUBLIKE NDËRKOMBËTARE

Program Description

Misioni i këtij programi studimi “E drejtë publike ndërkombëtare” është të ofrojë një perspektivë unike për formimin akademik të studentëve në fushën e të drejtës publike ndërkombëtare. Kjo synohet të arrihet nëpërmjet kombinimit të disiplinave klasike me disiplinat e reja që aplikohen në Bashkimin Evropian. Ky program studimi  ka për qëllim që studentët të pajisen me njohuri akademike në fushën e të drejtës publike ndërkombëtare dhe zhvillimet bashkëkohore të vendit tonë në kuadrin e proceseve integruese, rajonale dhe evropiane.

Hapja  e këtij profili ishte e nevojshme për shkak të mungesës së ketij profili në universitetet e tjera publike në vendin tonë.  Masteri shkencor në “E drejtë publike ndërkombëtare” synon të formojë juristë dhe specialistë të aftë të punojnë në organizatat ndërkombëtare dhe të kontribuojnë në marrëdhëniet ndërkombëtare.

Programi Master Shkencor në “E drejtë publike ndërkombëtare” ofron njohuri të thelluara në fushën e drejtësisë, duke rritur mundësitë për karrierë profesionale të specialistëve në institucionet e qeverisjes qëndrore dhe lokale. Në përfundim të këtij program studimor, synohet aftësimi dhe edukimi profesionistëve të drejtesisë me njohuri bashkëkohore që t’i përgjigjen kushteve të reja të zhvillimit të kontekstit kombëtar e më gjerë. Ndër të tjera, studentët pajisen me njohuri të thella të teorisë juridike dhe ekonomike. Gjithashtu, zhvillojnë aftësitë në fushën e kërkimit dhe kualifikimit më të avancuar shkencor. Nga ana tjetër, studentët zhvillojnë njohuritë mbi idetë politike, sistemet e qeverisjes, sistemet zgjedhore, partite politike, politikat publike, marrëdhëniet ndërkombëtare, teoritë e vendimmarrjes etj.

Pse duhet të studiojmë këtë program?

Formim i thelluar në të drejtën ndërkombëtare publike

Ky program ofron njohuri të avancuara mbi:

• Të drejtën ndërkombëtare publike dhe marrëdhëniet ndërkombëtare
• Të drejtat e njeriut dhe të drejtën humanitare
• E drejtën ndërkombëtare të bisnesit, të mjedisit, dhe të sigurisë kolektive
• E drejtën e traktateve dhe organizatave ndërkombëtare

Përgatit juristë të kualifikuar për të analizuar, zbatuar dhe ndikuar në zhvillimin e rendit juridik ndërkombëtar.

Karrierë në institucione ndërkombëtare dhe shtetërore

Ky program hap dyer për punësim në:

• Ministri të Jashtme, Ambasada dhe organizma qeveritarë
• Organizatë të Kombeve të Bashkuara (OKB), Këshillin e Evropës, OSBE, NATO, BE
• Gjykata ndërkombëtare dhe organizata të specializuara (si UNHCR, ICC, IOM etj.)
• Organizata joqeveritare dhe institute të kërkimit juridik

Përputhshmëri me zhvillimet globale dhe sfidat moderne

Në një botë të globalizuar, njohja e së drejtës ndërkombëtare është thelbësore për mbrojtjen e interesave kombëtare, të drejtave të individit dhe për të kuptuar sfida globale si migracioni, ndryshimet klimatike, apo siguria ndërkombëtare.

Baza për një karrierë akademike ose diplomatike

Programi i jep studentëve një profil të veçantë kërkimor dhe analitik, të domosdoshëm për doktoratë në të drejtë ndërkombëtare apo për përfshirje në shërbimin diplomatik të shtetit.

Kujt i përshtatet ky program?

• Studentëve që:

  • Janë të apasionuar pas drejtësisë ndërkombëtare dhe marrëdhënieve ndërkombëtare
  • Synojnë karrierë në organizata globale apo në diplomaci
  • Duan të kuptojnë dhe ndikojnë në zhvillimet juridike ndërkombëtare