Përshkrimi i Departamentit të Teknologjisë së Informacionit
Departamenti i Teknologjisë së Informacionit është një nga tre njësitë bazë përbërëse të Fakultetit të Teknologjisë së Informacionit. Ky departament ka si qëllim të krijojë, të transmetojë, të zhvillojë dijet me anë të mësimdhënies dhe kërkimit shkencor. Gjithashtu stafi I lektorëve të Departamentit synon të formojë dhe të përgatisë specialistë të rinj të fushave të Teknologjisë së Informacionit bazuar në kurrikula bashkëkohore dhe cilësore të përshtatshme me tregun e punës në Shqipëri dhe në vende të tjera perëndimore.
Ky departament garanton cilësinë dhe plotësimin e standardeve akademike për të gjitha programet e studimit Teknologji Informacioni, Sisteme Informacioni dhe Multimedia dhe televizion digjital. Departamenti i Teknologjisë së Informacionit ka si qëllim të nxisë, mbështesë dhe zhvillojë aktivitete shkencore për lektorë dhe studentë; për studentët diplomantë bashkëpunon me institucionet publike dhe bizneset private për punësimin e tyre.
Staff:
Dr. Fatmira Prodani është pedagoge me kohë të plotë në Fakultetin Teknologjisë së Informacionit, në Universitetin “Aleksandër Moisiu” Durrës, që prej vitit 2015, duke u fokusuar kryesisht në kurset e Multimedias dhe Televizionit Dixhital si: Animacioni Kompjuterik 3D, Bazat e Animacionit, Prodhimi dhe Promovimi Multimedial. , Programet multimediale, Efektet vizuale, Stop Motion Animation etj.Ajo mban titullin MSc në “Informatikë Biznesi” dhe në korrik 2019 ka përfunduar studimet e doktoraturës me temën “Zbatimi i IPTV në Shqipëri dhe rajon”. Nga viti 2008 – 2010 ka punuar si mësuese në shkollën e mesme profesionale Beqir Ҫela, fillimisht me kohë të pjesshme dhe pas një viti me kohë të plotë. Gjatë viteve 2010-2015 ka qenë drejtuese e praktikës profesionale për studimet e orientuara në “Informatikë Praktike”, nismë e projektit ALBVET në bashkëpunim me universitetin “Aleksandër Moisiu” dhe shkollën profesionale “Beqir Cela” Durrës. Gjatë periudhës së menaxhimit të praktikës profesionale Fatmira Prodani ka kryer trajnime në kompaninë ZLI në Cyrih dhe Noser Yang Professionals në Bernë të Zvicrës me temën “Integrimi i studimeve teorike dhe praktike”. Fatmira Prodani ka qenë e fokusuar dhe e interesuar në fushën e Animacionit 2D dhe 3D që nga viti 2016 dhe ka kryer një sërë trajnimesh dhe kërkimesh në këtë fushë. Nga viti 2020 e në vazhdim mban pozicionin e drejtueses së Njësisë Bazë Teknologji Informacioni.
Prof.Asc. Dr. Admir Barolli është diplomuar në Universitetin Bujqësor të Tiranës në Prill 2008. Nga tetori 2009 deri në qershor 2010, ai ishte një Hulumtues Vizitues në Universitetin Curtin, Perth, Australi. Në vitin 2011, ai ishte Hulumtues Vizitues në Universitetin Seikei, Tokio, Japoni. Në mars 2012 ai u diplomua nga Instituti i Teknologjisë Fukuoka si PhD. Nga janari 2013 deri në 2014, ai punoi si pedagog në Institutin Kanadez të Teknologjisë, Tiranë, Shqipëri. Ka mbajtur pozicionin Shef i Departamenti i Inxhinierisë Industriale për programet Master dhe njëkohësisht ka qenë kordinator për masterin në Fakultetin e Inxhinierisë. Ai ligjëront tema të ndryshme si Algoritmet e Avancuara dhe Strukturat e të Dhënave I & II, Analiza dhe Dizajni i Sistemeve të Informacionit, Rrjetet Wireless: LAN dhe WAN. Nga Marsi 2014 deri në Korrik 2014, punoi si Pedagog në Universitetin Kristal, Tiranë, ku jepte mësimdhënie për Sigurinë e Sistemeve të Informacionit. Nga korriku 2014 deri në qershor 2015, ai kreu studimet Post Doktorturë në Universitetin e Salernos dhe ishte lektor dhe Drejtues i Departamentit të Informatikës së Aplikuar në Universitetin LOGOS, Tiranë. Aktualisht, është lektor në Universitetin “Aleksander Moisiu” Durrës, ku jep mësimdhënie për Topologjitë e Rrjetit, Projektimin e Rrjeteve Kompjuterike, Sigurinë e Rrjeteve Kompjuterike, Sistemet e Informacionit dhe Rrjetet Kompjuterike I & II. Në 17 janar 2021, mori titullin Profesor i Asociuar, në Universitetin Politeknik të Tiranës. Ai ka njohuri në gjuhë dhe programe të ndryshme, si Java, C++, PHP, MYSQL, Web Design, Javascript, CSS, HTML, Matlab, Wireshark, Latex, CISCO Packet Tracer, NS2 dhe NS3.Ai punon prej shumë vitesh në Sektorët e Bujqësisë në Shqipëri. Interesat e tij kërkimore janë në gjenetikë, algoritme gjenetike, inxhinieri bujqësore, ndryshime klimatike, ngrohje globale, algoritme inteligjente, rrjete kompjuterike, rrjete ad-hoc, rrjete rrjete dhe sisteme P2P.
Dr. Alma Stana është pedagoge me kohë të plotë në Departamentin e Teknologjisë së Informacionit, Fakulteti i Teknologjisë së Informacionit, në Universitetin “Aleksandër Moisiu” të Durrësi, që prej vitit 2006. Ing. Alma Stana është diplomuar për Inxhinieri Elektronike në Universitetin e Tiranës, Shqipëri. Më pas ajo ndoqi studimet pasuniversitare për Shkenca Kompjuterike në Fakultetin e Shkencave të Natyrës, Universiteti i Tiranës.Ajo mban një doktoraturë në Sistemet e Informacionit nga Universiteti i Tiranës që nga viti 2013. Fusha e interesave të saj kërkimore ka të bëjë me Sistemet e Informacionit Detar, e-Biznesin dhe Zgjidhjet Inteligjente. Ajo ka botuar disa punime në revista shkencore si dhe disa tekste shkollore. Ajo është autore e shumë artikujve të konferencës në fushën e kuadrit të Sistemeve të Informacionit. Dr. Stana hulumton ndër të tjera, evolucionin e transformimit dixhital të ekonomive dhe shoqërive tona.
Dr. Ing. Nikollaq Terezi është lektor kërkues shkencor pranë Departamentit Teknologji Informacioni pjesë e Fakultetit të Teknologji Informacioni në Universitetin “Aleksandër Moisiu”, Durrës. Është diplomuar në “Universitetin e Tiranës” në 1985 në degën Inxhinieri Elektronike, dhe në 2017 në Universitetin e Tiranës mori gradën Doktor i Shkencave.
Në periudhën 1994-1995 ka kryer studime Post Master në Gjermani për fushën telekomunikacioneve dhe menaxhimit të tyre. Më pas është specializuar për priudha njëmujore dhe javore në Suedi, Itali e Greqi tek kompanitë NOKIA, ALCATEL e OTE.
Në 1996-1998 ka qënë drejtor i qendrës së telekomeve ndërkombëtare pranë ALBtelcom.sha, në 1999-2005 ai ka qënë Drejtor i Departamentit Teknik pranë AMC sot Telekom, si dhe në periudhat 1993-94 dhe 2008-2010 ka qënë drejtor teknik pranë Albtelecom dhe Eagle Mobile.
Në 2010-2014 si Drejtor i Drejtorisë së Provimeve të Shtetit pranë MASH ka zhvilluar për herë të parë Provimet për Profesionet e Rregulluara me program të bazuar në kompjuter.
Dr. Terezi është autor i veprimtarive shkencore si dhe publikimeve në revista shkencore dhe konferenca rajonale, kombëtare dhe ndërkombëtare. Ndër të tjera përfshihen:
Dr. Luçiana Toti ka lindur ne Tiranë në 12 May 1968. Ajo ka përfunduar studimet në Universitetin Politeknik të Tiranës, Fakulteti I Teknologjisë së Informacionit si Inxhinier Elektroteknik në vitin 1991, si dhe ka kryer studimet doktorale me temë “Perfitimet eknomike dhe ekologjike qe sjell përdorimi i sistemeve fotovoltaike në Shqipëri” në vitin 2015. 1991-1995: Ing.Elektrike në Ndërrmarjen e Frigoriferit Nr.3. Detyrat e kryera: projektimi dhe zbatimi i punimeve të reja elektrike me tension të ulët e të mesëm, si dhe për projektimi e rikonstruktimi i objekteve, irëmbajtja e sallave të makinerisë së dhomave të ftohjes, mirëmbajtja e sistemit të ndricimit të dhomave të ftohjes dhe të gjithë ambjentit rrethues, mirëmbajtja e sistemit telefonik të zyrave të stafit administrative, mirëmbajtja e dy ashensorëve, rikonstruktimi I qëndrës frigoriferike të Brarit,etj. 1995-2001: Mësuese e lëndëve profesionale në shkollën e Elektrike. 2001-2010: Mësuese në Institutin “HARRY FULTZ” per lëndët: Elektroteknikë, Principe Elektronike, Elektronikë Fuqie, etj. 2012-2018: Pedagoge (part time) në Albanian University, Tiranë. 2010 e në vazhdim: Pedagoge (full time) në Universitetin “Aleksandër Moisiu”, Durrës. Kurset e dhena: Apliikime kompjuteri, Arkitekturë Kompjuteri, Logjika Dixhitale, Elektronikë Analoge, etj. Gusht 2014 Anëtare e Grupit Teknik të Punës (GTP) me kërkesë të Ministrisë së Energjise e Industrisë dhe Ministrisë së Zhvillimit Urban dhe Turizmit për draftin e parë të ligjit “Performanca e Energjisë në Ndërtesa” të propozuar nga DPEN për Shqipërinë. Mars 2017 –Tetor 2020: Përgjegjëse e Departamentit të Teknologjisë së Informacionit në Fakultetin e Teknologjisë së Informacionit në Universitetin “Aleksandër Moisiu”, Durrës. Dr. Luçiana TOTI eshte autore e disa cikle leksionesh, disa teksteve te miratuara nga MARS, botimeve ne revista shkencore nderkombetare, pjesemarrese ne me shume se 16 konferenca kombetare e nderkombetare, si dhe koordinatore e dy projekteve Erasmus +, ku UAMD eshte institucion partner.
Dr. Frida GJERMENI është lektore me kohë të plotë në Universitetin “Aleksandër Moisiu”, në Fakultetin e Teknologjisë së Informacionit, pranë Departamentit të Teknologjisë së
Informacionit, që prej Tetorit të vitit 2016. Për 4 vjet ajo ka qenë Specialiste IT, në Drejtorinë e
IT-së dhe Regjistrimeve, si edhe është angazhuar si staf akademik me kohë të pjesshme në
Fakultetin e Teknologjisë së Informacionit në këtë Universitet. Gjithashtu ajo ka eksperiencë
si lektore part-time në Universitetin e Tiranës dhe në Kolegjin Universitar të Biznesit.
Frida Gjermeni ka përfunduar studimet e larta në Fakultetin e Teknologjisë së Informacionit, në
Universitetin Politeknik të Tiranës, dhe zotëron diplomë “Bachelor” e “Master Shkencash” në
Inxhineri Infomatike. Në Janar 2019 përfundoi studimet e Doktoraturës, në Universitetin
Ndërkombëtar të Strugës, në Maqedoni, duke përfituar titullin Doktor i Shkencave Kompjuterike
Fusha e saj e kërkmit përfshin sistemet e-learning dhe teknologjitë multimediale mbështetëse. Ajo është pjesëmarrëse në disa konferenca ndërkombëtare.
Dr. Amarildo Rista ka mbaruar studimet Bachelor (2012) dhe Master i Shkencave në Inxhinieri Elektronike (2014), pranë Universitetit Politeknik të Tiranës. Në vitin 2022, ai mori titullin “Doktor” në Shkenca Kompjuterike, pranë Fakultetit të Shkencave dhe Teknologjive Bashkëkohore, Universiteti i Evropës Juglindore. Fusha e tij e kërkimit fokusohet në Inteligjencën Artificiale, Machine Learning dhe Përpunimin e Gjuhëve Natyrore (NLP). Ai mban leksione dhe seminare në Fakultetin e Teknologjisë së Informacionit, UAMD. Ai është autor dhe bashkëautor i disa publikimeve në revista dhe konferenca kombëtare dhe ndërkombëtare.
Ph.D. Cand. Edmira Xhaferra është pedagoge me kohë të plotë në Departamentin e Teknologjisë së Informacionit pranë Fakultetit të Teknologjisë së Informacionit në Universitetin “Aleksandër Moisiu” të Durrësit. Ajo ka diplomë Bachelor dhe Master në Universitetin Politeknik të Tiranës, e specializuar në Inxhinieri Telekomunikacioni. Aktualisht, ajo është studente e doktoraturës në Shkenca Kompjuterike në Universitetin e Evropës Juglindore. Xhaferra është e certifikuar nga Cisco në Routing dhe Switching (CCNA Certified Network Associate in Routing and Switching). Për më tepër, ajo mban çertifikime nga MikroTik, duke përfshirë MikroTik Certified Network Associate (MTCNA) dhe MikroTik Certified Routing Engineer (MTCRE). Ajo është e përfshirë në mënyrë aktive në projektet Erasmus+ dhe projekte kombëtare dhe është autore ose bashkëautore e disa publikimeve në revista dhe konferenca të indeksuara nga Scopus.
Ph.D. Cand. Elton Tata është lektor pranë Universitetit Aleksandër Moisiu, Durrës. Në periudhën kohore 2016-2018 ka qënë lektor me kohë të pjesshme ,dhe prej vitit 2019 lektor me kohë të plotë. Ai ka mbaruar studimet Bachelor në Inxhineri Elektronike dhe Master Shkencor në Inxhinieri Elektronike, në Universitetin Politeknik të Tiranës. Disa prej lëndëve që ai mbulon janë: Logjikë Dixhitale, Arkitekturë Kompjuteri, Përpunim Numerik I Sinjalit, Sistemet Televizive Broadcast. Aktulaisht është kandidat PhD në Universitetin e Europës Juglindore, në Maqedoninë e Veriut, në profilin Shkenca Kompjuterike.Fusha e tij e kërkimit përfshin Procesimin e Gjuhëve Natyrore, Machine Learning, Data Mining, Networking ne Internet Service Provider dhe Cloud Computing.
Ndjek studimet e doktoraturës ne Universitetin Teknik të Sofies që nga korrik të vitit 2022 me temë “Zhvillimi i një modeli virtual (digital twin) në një port”. Ka perfunduar studimet master shkencor në “Inxhinieri Telekomunikacioni” në Universitetin Politeknik të Tiranës dhe Bachelor në “Inxhinieri Telekomunikacioni” në Universitetin Politeknik të Tiranës.
Fushat e Interesit: Internet of Things (IoT), Transformimi i gjelbër, Eficenca e energjisë, Siguria Kibernetike.
Mësimdhenie në Kurset:
Logjika Dixhitale, Sisteme Informacion, Multimedia dhe Kmunikim, Arkitekture Kompjuteri etj.
Eksperiencat Akademike
Manjola Zeneli është asistente lektore me kohë të plotë në Fakultetin e Teknologjisë së Informacionit në Universitetin “Aleksandër Moisiu” Durrës që nga tetor të vitit 2022
2014-2022- Lektore e jashtme në Universitetin “Aleksandër Moisiu
Eksperiencat Profesionale
Nga viti 2008 – 2011 ka punuar si specialiste IT në Autoritetin Portual Durrës dhe prej Tetor 2011 e në vazhdim si specialiste IT pranë kompanisë Tetra Solutions.
Publikime:
Qershor 2022- Manjola Zeneli “Rruga e aplikimit të standardeve dhe rregullave të sigurisë kibernetike në Shqipëri” konferenca ndërkombëtare e 29-të IWSSIP 2022 IEEE, në Sofie Bullgari.
Interesa të tjera:
Gjatë vitetve të fundit ka ndjekur sistematikisht konferenca të ndryshme europiane lidhur me zhvillimet e reja të teknologjisë së informacionit. Kryen veprimtari vullnetare prej 2019 si pjesë e paneleve të vlerësimit të aplikimeve në konferenca ndërkombëtare për suportimin dhe perfshirjen e vajzave dhe grave në shkencë dhe teknologji si GHC, Tapia, Tech Girls.
PhD (Candidate) Luan Sinanaj është lektor në Departamentin e Teknologjisë së Informacionit, Fakulteti i Teknologjisë së Informacionit në Universitetin “Aleksandër Moisiu”, Durrës. Ai zotëron diplomë Bachelor në “Informatikë” dhe Master të nivelit të parë të përfunduara në Universitetin e Pizës (Itali), si dhe Master Shkencorë në “Informatikë Ekonomike”. Aktualisht është student doktorature në Shkenca Kompjuterike pranë Universitetit të Evropës Juglindore, në Tetovë, Maqedoni e Veriut.
Ai është çertifikuar nga Cisco, Cisco Certified Network Associate Routing and Switching (CCNA Routing and Switching) në vitin 2012. Phd (c) Luan Sinanaj është autor dhe bashkë-autor i disa publikimeve në revista shkencore, konferenca kombëtare, konferenca ndërkombëtare, si dhe botues i librit “Bazat e Programimit në Java”.
MSc. Hasan Voci përfundoi studimet e larta në vitin 2020 në Fakultetin e Teknologjisë së Informacionit, Universiteti Politeknik i Tiranës, dhe zotëron një diplomë “Bachelor” dhe “Master Shkencor” në Inxhinieri Elektronike. Prej tetorit 2021, ai është pjesë e stafit akademik me kohë të pjesshme në Universitetin Politeknik të Tiranës, ku mbulon lëndët Matje Elektronike dhe Elektronikë për Telekomunikacion. Në vitin 2023, ai u bë pjesë e stafit akademik me kohë të plotë në Universitetin “Aleksandër Moisiu” Durrës, ku mbulon disa kurse pranë Fakultetit të Teknologjisë së Informacionit.
Hasani ka përvojë disa vjeçare si inxhinier biomedikal dhe ka kryer një sërë trajnimesh brenda dhe jashtë vendit nga kompani të njohura në këtë fushë. Ai është pjesëmarrës në konferenca dhe autor i artikujve në revista shkencore.
MSc. Uendi Çerma është lektore pranë Universitetit Aleksandër Moisiu, Durrës. Ajo ka përfunduar studimet Bachelor, Master Profesional në Multimedia dhe Televizion Dixhital dhe një master të dytë Shkencor në Shkenca Kompjuterike të Aplikuara në Universitetin ‘’Aleksandër Moisiu’’ Durrës. Ajo është bërë pjesë e universitetit si staf ndihmës-akademik pranë laboratorit audio-video në vitin 2018, duke u angazhuar edhe në implementimin e disa projekteve të financuara nga Bashkimi Europian. Aktualisht ajo është e angazhuar si lektore me kohë të plotë pranë departamentit të Teknologjisë së Informacionit dhe disa prej lëndëve që ajo mbulon janë: Elektroakustikë, Përpunim Imazhi, Produksioni dhe Post Produksioni Multimedial, Akustikë në Ambiente. Fushat e saj të interesit në kërkimin shkencor janë: Sistemet Multimediale, Zhvillimi i Lojrave, Realiteti Virtual dhe Teknologjitë Eye-Tracking.
MSc. Alsa Kaziu është lektore në Departamentin e Teknologjisë së Informacionit, Fakulteti i Teknologjisë së Informacionit në Universitetin “Aleksandër Moisiu”, Durrës. Ajo vazhdon studimet e doktoraturës në Institute of Information and Communication Technology, Bulgarian Academy of Sciences, Sofia, Bullgari. Tema e kërkimit për disertacionin titullohet: “Optimization Methods in Information Systems in Economics. Ajo ka përfunduar studimet për Informatikë-Ekonomike (Barchelor, 2009-2012) në Fakultetin e Ekonomisë, Universiteti i Tiranës dhe MSc. Sisteme Informacioni në Ekonomi, (2012-2014) në Fakultetin e Ekonomisë, Universiteti i Tiranës. Ajo ka punuar si lektore me kohë të plotë pranë Fakultetit të Teknologjisë së Informacionit që nga viti 2014. MSc. Alsa Kaziu është autore dhe bashkë-autore e disa publikimeve në revista shkencore dhe konferenca shkencore kombëtare dhe ndërkombëtare. Publikimet e saj ndër të tjera përfshijnë:
Nga ana akademike ajo mbulon fushën e sistemeve të informacionit dhe teknologjisë së informacionit.
MSc. Damiana Teliti , është specialiste e përkushtuar në fushën e Artificial Neural Networks (ANN) dhe Pattern Recognition. Si data scientist me përvojë, ajo përdor aftësitë e saj në analizimin e grupeve të mëdha të të dhënave duke implementuar modele të avancuara të machine learning. Me njohuri të thelluara në Python, ajo synon të krijojë zgjidhje inovative për sfidat praktike të organizatave dhe industrive.
Ajo gjithashtu ka përvojë të pasur fushën akademike duke u angazhuar si lektore në universiete të ndryshme të vendit, ku ka kontribuar në hulumtime dhe mësimdhënie për teknologjitë e avancuara.
Dr. Esmeralda Hoxha: Pedagoge me kohë të plotë në Departamentin “Teknologji Informacioni”, Fakulteti i Teknologjisë së Informacionit, Universiteti “Aleksandër Moisiu”, Durrës. Doktor i Shkencave, UET, Tiranë, profili MIS “Management Information Systems”. Tema: “Përdorimi i Rrjetave Mobile Ad Hoc Wireless në Komunikimet Navale të Emergjencës, Mundësitë e Aplikimit në Shqipëri”, 2017; Master në Shkencat Kompjuterike, UV; Master i Shkencave ne Arkitekturë, DIND Ing.Navale. Me një karrierë 22 vjeçare në mësimdhënie, si fillim pranë UV “Ismail Qemali”, Vlorë, Dep.“Teknologji Informacioni”, 2002-2010; Pedagoge efektive për elektronikën dhe jetëgjatësinë në anije, Shkolla e trupës, Departamenti Detar, 2010-2012; Universiteti “Pavarësia”, Vlorë, 2012-2023 dhe njëkohësisht shefe departamenti në Unipavarësia, 2015-2023 dhe tashmë lektore pranë UAMD, Durrës. Ka botuar një sërë artikujsh në revista dhe konferenca, të njohura, kombëtare dhe ndërkombëtare. Pjesmarrëse në disa projekte të Erasmus ++.
Fushat e veprimtarisë:Mësimdhënie; Kërkim shkencor.
Fushat e ekspertizës: Inxhinieri Software; Rrjeta Kompjuterike; Siguria ne Rrjeta; Telekomunikacion; MIS; Modelet e-Business; Teknologji Informacioni; Software Aplikative; GPS, Antena etj.
This will close in 0 seconds
English 
Albanian