Departamenti i Gjuhëve të Huaja

Departamenti i Gjuhëve të Huaja, pjesë e Fakultetit të Edukimit në Universitetin “Aleksandër Moisiu” Durrës, përbëhet nga një ekip akademik me përvojë të gjerë në fushën e mësimdhënies, kërkimit shkencor dhe zhvillimit profesional, duke kontribuar në përmirësimin e vazhdueshëm të cilësisë së arsimit të ofruar. Ky departament ofron katër programe studimi: dy në ciklin e parë dhe dy në ciklin e dytë të studimeve, të cilat janë dizajnuar në përputhje me nevojat e tregut dhe zhvillimet më të fundit akademike.

Departamenti synon të përgatisë studentë të aftë në fushat e gjuhësisë, përkthimit, interpretimit, komunikimit ndërkulturor dhe mësimdhënies së gjuhëve të huaja. Përmes një qasjeje të integruar dhe multidisiplinare, programet e studimit ofrojnë studentëve njohuri të thelluara teorike dhe praktike në këto fusha, duke i pajisur ata me aftësi konkurruese për tregun e punës, si në nivel kombëtar, ashtu edhe ndërkombëtar.

Që nga themelimi i tij, Departamenti i Gjuhëve të Huaja ka njohur një rritje të qëndrueshme në cilësinë e mësimdhënies, duke ndjekur standardet më të larta akademike dhe metodologjike. Angazhimi në projekte kërkimore kombëtare dhe ndërkombëtare, si dhe partneritetet me institucione të tjera akademike brenda dhe jashtë vendit, kanë zgjeruar mundësitë për zhvillimin e studentëve dhe stafit akademik. Departamenti ofron gjithashtu mundësi për praktika profesionale dhe programe të mobilitetit ndërkombëtar, duke ndihmuar studentët të zhvillojnë aftësi profesionale dhe të fitojnë përvoja ndërkulturore.

Staff:

Departamenti i Gjuhëve të Huaja përbëhet nga 21 lektorë me kohë të plotë dhe aktivizon afërsisht 30 lektorë me kohë të pjesshme çdo vit akademik. 

• Stafi akademik me kohë të plotë