09
May

Alumni – Sadik Sallaku

By
0

Sadik Sallaku

Alumni "UAMD" - "Rrënjët e Suksesit"!

FAKULTETI I SHKENCAVE POLITIKE JURIDIKE

Biografi

Kam mbaruar studimet e larta pranë Universitetit “Aleksandër Moisiu” Durrës, në Fakultetin e Shkencave Politiko-Juridike, konkretisht:

  • Diplomë në nivelin Bachelor, programi i studimit “Drejtësi” (viti 2019)

  • Diplomë në nivelin Master Shkencor në “E Drejtë Private” (viti 2021)

Gjatë kësaj periudhe kam qenë pjesë e trajnimeve të ndryshme, përfshirë edhe praktikën si pjesë e Klinikës së Ligjit në vitin 2020, duke iu ofruar qytetarëve të Durrësit Ndihmë Juridike Parësore falas.

Kam mbaruar me sukses trajnimin fillestar pranë Dhomës Kombëtare të Avokatisë, ku jam licencuar si Avokat në vitin 2023. Kam punuar si Asistent Noter në vitin 2022. Nga viti 2023 e në vazhdim, kam punuar si Përgjegjës i Burimeve Njerëzore pranë një subjekti privat. Gjithashtu, jam aktivist dhe advokoj për të drejtat ligjore të Personave me Aftësi të Kufizuara si Nënkryetar i Shoqatës së Para-Tetraplegjikëve në Qarkun Durrës.

Si ju kanë ndihmuar studimet në UAMD në zhvillimin e karrierës tuaj?

  • Si një person me Aftësi të Kufizuara, do të nënvizoja që eksperienca si student në UAMD ka qenë unike. Gjatë studimeve kam pasur mundësinë të mësoj nga pedagogë të përkushtuar, të cilët kanë treguar fleksibilitet dhe mirëkuptim për nevojat e mia. Programet akademike kanë qenë sfiduese, por edhe motivuese, duke më ndihmuar të zhvilloj aftësitë e mia intelektuale dhe profesionale. Gjithashtu, stafi administrativ ka qenë tepër mbështetës, duke më lehtësuar procesin akademik dhe duke siguruar një mjedis gjithëpërfshirës. Qasja e tyre miqësore dhe ndihma e vazhdueshme më kanë bërë të ndihem i vlerësuar dhe i përfshirë plotësisht në jetën universitare. Kjo eksperiencë më ka forcuar bindjen se arsimi i lartë mund dhe duhet të jetë i aksesueshëm për të gjithë.

Një mesazh për studentët aktualë dhe maturantët që po mendojnë të vazhdojnë studimet në UAMD.

  • Do t’u bëja thirrje të gjithë maturantëve të bëhen pjesë e programeve të studimit në UAMD, sepse kjo eksperiencë do t’u shërbente atyre si trampolinë drejt profesionit të ëndrrave. Ndërsa për studentët do të sugjeroja që të marrin më të mirën nga UAMD.
en_USEnglish
sqAlbanian en_USEnglish