MP. Menaxhim Biznes

Përshkrimi i Programit:

Programi i studimit Master Profesional në “Menaxhim Biznesi” është i projektuar për të diplomuarit, së paku në Ciklin e I-rë, Bachelor, e interesuar në përftimin e njohurive profesionale, të specializuara, në fushën e menaxhimit të biznesit. Programi synon të ofrojë një perceptim dhe vizion të organizatës si sistem, duke u fokusuar në njohjen e marrëdhënieve mes pjesëve të ndryshme organizative dhe të lidhjeve të saj me mjedisin e jashtëm. Kështu përmes mundësisë së njohjes së metodave, teknikave dhe instrumentave të nevojshëm, për një menaxhim të suksesshëm, të stimulojë të reflektuarit rreth gjendjes aktuale të organizatës dhe identifikimin e strategjive të duhura për të arritur aty ku dëshirohet. Programi synon të zgjerojë njohuritë menaxheriale të tilla, që përforcojnë aftësitë për analiza dhe vendimmarrjen e suksesshme si dhe krijimin e avantazheve konkuruese të qëndrueshme, kjo, përmes sigurimit të një integrimi të mirë të njohurive teorike me realitetin organizativ përmes diskutimit dhe analizës së studimeve të rastit.

Të diplomuarve u ofrohen mundësi të mëtejshme studimi në programet e studimit: Master Shkencor pranë Departamentit të Menaxhimit, në Programin “Menaxhim Biznesi”, në masterat      shkencor të departamenteve të tjerë të Fakultetit të Biznesit, dhe UAMD në tërësi, si dhe në  programe të ngjashëm brenda dhe jashtë vendit. Të diplomuarit tanë mund të punësohen në sektorin privat dhe atë publik, OJF, OJQ, etj.

Veprimtaritë formuese të Programit të studimit Master Profesional në “Menaxhim Biznesi” artikulohen në një (1) vit akademik (2 semestra), për një total prej 60 kreditesh, si vijon:

1. A / Lëndë Bazë – Përgatitje metodologjike dhe kulturë e përgjithshme – 5 kredite;

2. B / Lëndë Karakterizuese – Përgatitje për disiplinën shkencore – 21 kredite;

3. C / Lëndë Ndërdisiplinore / Integruese – Nëndisiplina, profile dhe grup lëndë me  zgjedhje -18 kredite;

4. D / Lëndë Plotësuese – praktika profesionale – 6 kredite;

5. E / Detyrime Përmbyllëse /Mikroteza – 10 kredite.

Struktura e Programit

Programi është i organizuar në pesë kategori lëndësh:

1. 1. Lëndë Bazë (5 kredite): Përgatitje metodologjike dhe kulturë e përgjithshme.
   2. Lëndë Karakterizuese (21 kredite): Përgatitje specifike për disiplinën shkencore në menaxhimin e biznesit.
   3. Lëndë Ndërdisiplinore/Integruese (18 kredite): Disiplina të tjera të ngjashme, profile dhe lëndë me zgjedhje.
   4. Lëndë Plotësuese (6 kredite): Praktika profesionale.
   5. Detyrime Përmbyllëse (10 kredite): Mikroteza dhe projekte përfundimtare.

Pse duhet të studioni në këtë program?

• Qasje Sistemike: Përmirëson aftësinë për të kuptuar organizatën si një sistem të integruar.
• Aftësi për Vendimmarrje Strategjike: Ndihmon në identifikimin dhe zbatimin e strategjive të duhura për arritjen e objektivave organizative.
• Integrim Teorie dhe Praktike: Ofrohet një qasje praktike që ndihmon studentët të aplikojnë njohuritë në mjedise reale të biznesit.

Objektivat kryesore të programit:

• Zhvillimi i Aftësive Menaxheriale: Siguron njohuri të thelluara për menaxhimin e suksesshëm të organizatave dhe përmirësimin e aftësive analitike dhe të vendimmarrjes.
• Krijimi i Avantazheve Konkurruese: Ndihmon studentët të krijojnë strategji për të ruajtur avantazhe të qëndrueshme në treg.
• Integrim i Njohurive Teorike dhe Praktike: Përmes analizës së rasteve konkrete dhe diskutimeve, studentët mësojnë të aplikojnë njohuritë teorike në situata reale organizative.

Ku mund të punësoheni pas përfundimit të studimeve?

• Karriera: Të diplomuarit mund të punojnë në sektorin privat, publik, organizata joqeveritare (OJQ) dhe organizata jofitimprurëse (OJF).
• Studime të Mëtejshme: Programi ofron mundësi për vazhdim të studimeve në Master Shkencor në “Menaxhim Biznesi” ose në programe të tjera të ngjashme brenda dhe jashtë vendit.