Mundësi Aplikimi për Programet Fulbright

Thirrje për Aplikime: Programet Fulbright për vitin akademik 2026-2027

Universiteti “Aleksandër Moisiu” Durrës informon të gjithë të interesuarit për mundësinë e aplikimit në Programet Fulbright, të cilat ofrojnë bursa studimi dhe kërkimi në Shtetet e Bashkuara të Amerikës. Këto programe financohen nga Departamenti i Shtetit Amerikan dhe nga Qeveria e Republikës së Shqipërisë.

1. Fulbright Foreign Student Program (Për Ish-Studentët dhe Alumni)

Ky program ofron mundësi për ndjekjen e studimeve master në Shtetet e Bashkuara dhe është i hapur për të gjitha fushat e studimit. Një kategori e veçantë e bursave mbështetet nga Qeveria e Shqipërisë dhe përfshin fushat:

 STEM (Shkencë, Teknologji, Fizikë, Matematikë)

 Bujqësi dhe Shkenca e Jetës (Menaxhimi i burimeve natyrore, edukimi dhe ekonomia bujqësore)

 Turizëm (Menaxhimi i turizmit, turizmi i trashëgimisë dhe konservimi)

 Inxhinieri dhe Shkenca të Mjedisit (Inxhinieri mjedisore, biologjike, kimike, e minierave)

 Bio-Kimi dhe Shkenca Mjedisore (Kimi organike, bioteknologji, shkenca bimore)

 Kriteret e Aplikimit:

 Të jenë qytetarë të Shqipërisë

 Të kenë përfunduar të paktën një diplomë Bachelor

 Të kenë të paktën dy vite përvojë profesionale në fushën e studimit

 Të kenë nivel të mirë të gjuhës angleze (B2 – minimum 82 pikë TOEFL)

 Të jenë të kualifikueshëm për vizën J-1

 Detyrim për t’u kthyer në Shqipëri për të paktën 2 vite pas përfundimit të programit

 Për më shumë informacion dhe aplikim:

Kliko këtu

2. Fulbright Visiting Scholar Program (Për Pedagogët dhe Studiuesit)

Ky program u ofron mundësi studiuesve post-doktoralë, pedagogëve dhe ekspertëve të fushave akademike të zhvillojnë kërkime dhe/ose të japin mësim për një periudhë 3 deri në 6 muaj në një universitet në Shtetet e Bashkuara.

 Kriteret e Aplikimit:

 Të jenë qytetarë të Shqipërisë

 Të kenë përfunduar gradën Doktor

 Të kenë të paktën pesë vite përvojë akademike (mësimdhënie/kërkim)

 Të kenë nivel të mirë të gjuhës angleze (B2)

 Të jenë të kualifikueshëm për vizën J-1

 Detyrim për t’u kthyer në Shqipëri për të paktën 2 vite pas përfundimit të programit

 Për më shumë informacion dhe aplikim:

Kliko këtu

 Email për pyetje: CultureandEducationTirana@State.Gov

 Afati i aplikimit:

 30 Qershor 2025

Ambasada e ShBA-së është e hapur për bashkëpunim me universitetet dhe mund të organizojë vizita informuese në bazë të kërkesave specifike.

 Inkurajojmë të gjithë kandidatët e interesuar të përfitojnë nga këto mundësi të jashtëzakonshme për zhvillimin akademik dhe profesional!