Universiteti “Aleksandër Moisiu” Durrës mori pjesë në takimin nismëtar (Kick-off Meeting) të projektit DiBS – Digital Bridges in Science, financuar nga programi Horizon Europe Marie Skłodowska-Curie Actions (MSCA), i cili u zhvillua më 3–4 qershor në Universitetin e Mitrovicës në Mitrovicën e Veriut.
Takimi shënoi nisjen zyrtare të projektit dhe mblodhi së bashku partnerët e konsorciumit për të diskutuar objektivat, planin e punës dhe aktivitetet që do të zhvillohen gjatë zbatimit të projektit. DiBS synon të forcojë bashkëpunimin rajonal dhe ndërkombëtar në kërkimin shkencor, duke krijuar ura të reja digjitale për shkëmbimin e njohurive, inovacionin dhe zhvillimin akademik.
UAMD është pjesë e një konsorciumi rajonal të përbërë nga:
- University of Mitrovica
- Universiteti Aleksandër Moisiu Durrës
- University of Montenegro
- Universiteti Politeknik i Tiranës
- University for Business and Technology
Gjatë takimit, partnerët prezantuan kapacitetet e tyre institucionale dhe diskutuan mbi mënyrat e bashkëpunimit për realizimin e objektivave të projektit, me fokus në zhvillimin e kërkimit shkencor, mobilitetin akademik dhe ndërtimin e një rrjeti të qëndrueshëm bashkëpunimi ndëruniversitar.
Pjesëmarrja në projektin DiBS përfaqëson një mundësi të rëndësishme për UAMD-në për të zgjeruar partneritetet ndërkombëtare, për të forcuar angazhimin në programet evropiane të kërkimit dhe inovacionit, si dhe për të kontribuar në avancimin e transformimit digjital në arsimin e lartë dhe shkencë.
🤝🌍 Përmes këtij projekti, UAMD vijon të konsolidojë rolin e saj si një partner aktiv në iniciativat evropiane që promovojnë ekselencën akademike, bashkëpunimin ndërkombëtar dhe zhvillimin e qëndrueshëm të kërkimit shkencor.
English 
Albanian